«Avtokólikterdiń birindegi júrgizýshi men jolaýshy jaraqat aldy – olarǵa medısınalyq kómek kórsetildi. Gaz qyzmeti mamandarynyń jedel áreketiniń arqasynda turǵyndarǵa gaz jetkizý toqtatylǵan joq. Qaza tapqandar joq», – delingen resmı málimdemede.
Kompanııanyń málimetinshe, gaz taratý júıesinde gazdyń aǵyp ketýi anyqtalmaǵan. Qazirgi tańda mamandar zaqymdanǵan qubyr bóligin ashyp, tehnıkalyq tekserý jumystaryn júrgizip jatyr.
«Oqıǵa ornynda jergilikti gaz qyzmetiniń mamandary kezekshilikke qoıyldy. Bul – jaǵdaıdy naqty baǵalap, turǵyndar úshin gazben qamtýda qaýiptiń aldyn alý úshin jasaldy», – dep tolyqtyrdy QazaqGaz Aimaq.
Aldyn ala boljam boıynsha, jarylysqa sebep – dıametri 426 mm bolatyn túzý jikpen dánekerlengen qubyrdaǵy jasyryn óndiristik aqaý, ıaǵnı zaýyttyq jiktiń bútin bolmaýy bolýy múmkin.
QazaqGaz Aimaq AQ-nyń Almaty óndiristik fılıalynyń dırektory Aqylbaı Saparovtyń aıtýynsha, qalpyna keltirý jumystary qysqa merzimde aıaqtalady.
