Uqypsyzdyń maly – urynyń «nany»

Degenmen turǵyndar tarapynan «Aıdaı saldan az óldi, kóre saldan kóp óldi» deıtin qamsyzdyq tyıylmaı turǵanyn da aıta ketkenimiz artyq bolmas. Olardyń malynyń qoldy bolǵanyn kesh baıqap, polıseılerge ýaqyt ótkizip baryp habar berýi de talaı qylmystyń der ke­zinde ashylmaýyna sebep bolyp otyr. О́z betinshe izdep, tabanynan taýsy­lyp júrgende urlanǵan mal men ury­ny izdestirýdi jeńildetetin mańyzdy aıǵaq­tar men izder joǵalyp ketetini de bar.

Osyǵan deıingi polıseıler ár aýyl­da mindetti túrde baqtashy qoıý týraly san márte usynys bergen. Tipti oǵan jumyssyz azamattardy tartý arqyly urlyqty ta azaıtyp, jumyssyzdyq kórsetkishin de tómendetýge bolatynyn da aıtqan. Áýelgide baıaý júrgen bul is qazir qalypqa túsken sııaqty. Polısııa mal urlyǵynyń aldyn alý baǵytynda profılaktıkany kúsheıtýden bólek baqta­shylarmen de sóılesip, tıisti túsindirý jumystaryn qolǵa aldy. Olarǵa mal urlyǵy jasalǵan jaǵdaıda qan­daı jaza qoldanylatynyn túsindirip, tıisti erejeler jazylǵan jadynama qaǵaz­dar taratty.

Árıne, urynyń kózine áýeli qaraýsyz júrgen mal túsedi. Ony bir-eki kún barlap, izinde júrgen eshkimniń joǵyn baıqaǵasyn yńǵaıyn taýyp alyp ketedi. Osydan da belgilenbegen oryndarda jaıylyp júrgen malyna qaramaǵan ­
215 adam ákimshilik jaýapkershilik­ke tartyldy. Veterınarııa qyzmetkerleri­­men birlesip atqarylǵan reıdtik is-sha­ra­lar barysynda jalpy 160 ákimshilik quqyq buzýshylyq anyqtalypty. Onyń ­
93-i – mal nemese et ónimderin zańsyz ­tasymaldaý deregi.

Apta saıyn polısııa qyzmetker­leri oblys ortalyǵyndaǵy KBI shaǵyn aýdanynda ornalasqan bazarǵa mal tasyǵandardy toqtatyp, maldyń qujat­ta­ryn tekseredi. Osy jyly jedel-izdes­tirý bólinisi qyzmetkerleri mal urlyǵyn kásip qylǵan 4 topty ustady. Syrdarııa aýdan­dyq polısııa bólimi – 8, Shıeli APB – 3, Qazalyda – 1, Qarmaqshy aýdandyq polı­sııa bóliminde 2 epızodtyq qylmys ashy­lyp, qazirgi osy derekter boıynsha ter­gep-tekserý áreketteri júrgizilip jatyr.

Tipti qaıyrý kórmegen maldyń kúre jolǵa shyǵyp ketip, talaı apatqa sebep bolyp jatqany da bar. Jyl basynan beri osyndaı 10 jol-kólik oqıǵasy tirkelip, sonyń saldarynan 2 adam túrli jaraqat alǵan. Oblystyq máslıhattyń 2020 jyl­ǵy 21 qazandaǵy №473 sheshimimen aı­maq­ta aýyl sharýashylyǵy janýarlaryn jaıý qaǵı­dalaryn bekitý týraly ereje ázir­­­­lengen. Qazaqstan Respýblıkasy Ákim­shilik quqyq buzýshylyqtar týraly Kodek­siniń 408-babynyń talaptaryna sáı­­kes oblystyq polısııa departamenti jyl basynan erejeni saqtamaǵan 313 mal ıesin ákimshilik jaýapkershilikke tart­qan.

«Qala, aýdan ortalyǵynda orna­lasqan mal bazarlar men oǵan keletin kúre joldarda, et satý oryndarynda júıeli túrde reıdtik is-shara­lar jal­ǵasa beredi. Jedel-profı­lak­tı­ka­lyq sharalar aıasynda buryn jasalǵan mal urlyq­tarynyń 7 deregi ashyldy. Mal urlyq­tarynyń aldyn alý jáne ashý baǵytynda jumystar nátıjesinde pada uıymdastyrylyp, baqtashylar belgilendi. Burynǵyǵa qaraǵanda, bul baǵyttaǵy jumys biraz júıelendi. Degenmen mal bazarlary men et ónimderin satatyn oryndar, mal soıý sehtary únemi tekserilse de árbir turǵyn qora men óristegi malyna jaýapkershilikpen qarap, saqtyq sharalaryn kúsheıtkeni jón», deıdi oblystyq polısııa departamentiniń bastyǵy, polısııa polkovnıgi Serik Ergeshov.

Qyzylorda