Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstrliginiń málimetinshe bıyl Qapshaǵaı sý qoımasynan kólge jalpy kólemi 12 mlrd tekshe metr sý jiberý josparlanyp otyr. Balqashtaǵy sý kólemi negizinen transshekaralyq Ile ózenine baılanysty, al onyń aǵysyn Qapshaǵaı sý qoımasy rettep otyrady. Bıyl atalǵan sý qoımasy qatarynan ekinshi jyl 100% toldy. Byltyr bul nysan sońǵy 10 jyldan keıin alǵash ret 100% tolǵany málim. Qapshaǵaı sý qoımasynyń tolýy Almaty oblysyndaǵy Aqdala men Sheńgeldi sýarmaly alqaptaryn vegetasııalyq kezeńde sýmen tolyq qamtamasyz etýge múmkindik berdi.
«Balqashty saqtaý máselesine erekshe kóńil bólinip otyr. Bıyl Fransýz ǵylymı konsorsıýmymen birlesip uıymdastyrylǵan kól basseınin zertteý maqsatynda aýqymdy dalalyq ekspedısııa ótken bolatyn. Fransýz sarapshylarymen birlesip júrgizilip jatqan jumys 2040 jylǵa deıingi boljammen Balqash kólin saqtaý boıynsha master-jospar ázirleýge baǵyttalǵan. Bul – byltyr Fransııanyń Damý agenttigi jáne Geologııalyq jáne taý-ken zertteýleri bıýrosymen birge qol qoıǵan úshjaqty kelisim aıasyndaǵy jumys», dedi Sý resýrstary jáne ırrıgasııa mınıstri Nurjan Nurjigitov.
