Zań • 17 Shilde, 2025

Alıment áke bola ma

60 ret

kórsetildi

1 mın

oqý úshin

Sońǵy jyldary jas shańyraqtyń shaıqalýy jıi kezdesedi. Jaýtańkóz jetim balalardyń da qatary az emes. Oblystyq ádilet departamentiniń 2025 jyldyń alǵashqy alty aıyndaǵy jumysyna toqtalsaq, alıment óndirýge qatysty 13286 atqarýshylyq is tirkelip, onyń 1272-i aıaqtalypty. 6891 is merzimdik baqylaýda, 4649 boryshker alımentti óz erkimen tólep otyr. 538 is boıynsha bereshek 753 mıllıon teńgeni quraıdy. 114 adam ákimshilik jazaǵa tartylǵan. Olardyń 65-i qamaýǵa alynyp, 49-yna aıyppul salynǵan, dep habarlaıdy Egemen.kz.

Baıqal BAIÁDIL

Alıment tóleıtin azamattardy jumysqa ornalastyrý jaǵy da qarastyrylýda. Osyǵan deıin alty bos jumys oryndary jármeńkesi ótkizilip, 40 boryshker turaqty jumysqa ornalastyrylǵan.

–Jyl basynan beri jekemenshik sot oryndaýshylarynyń óndirisinde memleket paıdasyna óndirý boıynsha 48676 is tirkeldi, – deıdi departament basshysynyń orynbasary Shyńǵys Aınaqulov, – onyń 18927-i aıaqtalyp, 5,8 mıllıard teńge kólemindegi bereshek qaıtaryldy.

Jeńil tártippen qaralǵan 20418 atqarýshylyq istiń jalpy kólemi 470,9 mıllıon teńgeni quraıdy. Onyń ishinde 4112 is aıaqtalyp, 4100 is naqty oryndalǵan. О́ndirilgen qarajat kólemi 86,7 mıllıon teńge.

Qoǵam osy bir máselege muqııat nazar aýdarýy qajet tárizdi. Árıne, qysqa jip kúrmeýge kelmeı jatqan ýaqytta tıesili alımenttiń ýaqytyly tólengeni jón. Áıtse de kóńilde «alıment áke bola ma?» degen saýal qalatyny bar.

Aqmola oblysy