Kartany basqaǵa berse, túrmege túsýi múmkin
Mundaı áreket – dropperlik dep atalady. Kóp jaǵdaıda azamattar óz kartalaryn aqsha úshin bóten adamdarǵa beredi. Al bul alaıaqtyq shemalardyń, aqshany jylystatýdyń negizgi quralyna aınalǵan.
Endi Qylmystyq kodekske arnaıy bap engizildi. Banktik shotqa, kartaǵa nemese sáıkestendirý quralyna zańsyz qoljetimdilik berýge, satyp alýǵa jáne paıdalanýǵa qylmystyq jaza qarastyrylǵan.
Jaza qandaı bolady
Kartany aqyly túrde berý: 160 AEK-ke deıin aıyppul, túzetý jumystary, 50 táýlikke deıin qamaý, múlki tárkilenýi múmkin.
– Aıtarlyqtaı syıaqy alsa: 3000 AEK-ke deıin aıyppul, 1000 saǵatqa deıin qoǵamdyq jumys, 2 jylǵa deıin bas bostandyǵynan aıyrý nemese shekteý.
– Iri kólemdegi syıaqy úshin: 4000 AEK-ke deıin aıyppul, 3 jylǵa deıin túrme, múlki tárkilenedi.
– Al zańsyz tólem nemese aýdarym jasaǵandar 5 jylǵa deıin túrmege qamalýy múmkin.
Eger adam mundaı áreketti alǵash ret jasap, óz erkimen moıyndasa, jaýapkershilikten bosatylýy múmkin.
