Vedomstvo dereginshe, shuǵyl shaqyrtýlarǵa kelý ýaqyty orta eseppen 8,8 mınýtty quraıdy. Bul kórsetkish bekitilgen standarttarǵa sáıkes keledi. Al shuǵyl emes shaqyrtýlar boıynsha kelý ýaqyty 12–26 mınýt aralyǵynda.
Keshiktirilgen shaqyrýlardyń úlesi byltyrǵy 4,3%-dan 2,6%-ǵa deıin tómendegen. Insýlt pen ınfarkt jaǵdaılarynda kómek barǵan saıyn jedel kórsetilip keledi. Qalalarda ınsýltpen aýyratyn naýqastardyń 98%-ǵa jýyǵy alǵashqy 40 mınýt ishinde qajetti ortalyqtarǵa jetkizilgen.
Birinshi jartyjyldyqta jedel mıokard ınfarktisi boıynsha 14 myńnan astam shaqyrý tirkelgen. Barlyq shaqyrýlardyń negizgi sebepteri – tynys alý jáne júrek-qan tamyrlary aýrýlary, nevrologııalyq jaǵdaılar, jaraqattar, ýlaný men ınfeksııalar.
El kóleminde shuǵyl medısınalyq kómekti 1 579 kóshpeli brıgada kórsetedi. Onyń 979-y qalalarda, 600-i aýyldyq jerlerde jumys isteıdi. Sonymen qatar emhanalar janynan 882 brıgada qurylyp, 3–4-sanattaǵy shaqyrýlarǵa qyzmet kórsetýde.
Qyzmettiń kadrmen qamtylýy 86,5%-ǵa jetken. Dárigerlerdiń úlesi 77,4%-dy quraıdy. Jedel járdem parkinde 2 469 kólik bar. Jarty jyl ishinde óńirlerge 84 jańa sanıtarlyq avtokólik jetkizilgen.
Mınıstrlik jedel járdem qyzmetin damytý men jańǵyrtý baǵytyndaǵy jumystar jalǵasatynyn málimdedi.
