Oblystyq polısııa departamentiniń habarlaýynsha, tártip saqshylary dalalyq aýmaqta janýardyń etin buzyp jatqan er adamdy baıqap qalǵan. Tekserý barysynda onyń 30 jastaǵy Alǵa aýdanynyń turǵyny ekeni anyqtalǵan. Atalǵan azamat bulandy ań aýlaý erejelerin buza otyryp, zańsyz túrde atyp alǵanyn moıyndaǵan. Ol janýardy etin paıdalaný maqsatynda atqanyn aıtqan.
«Ańshynyń kóligin tekserý kezinde tirkelgen uzyn uńǵyly karabın tabylyp, aıǵaqzat retinde tárkilendi. Qazirgi tańda Qylmystyq kodekstiń 337-baby boıynsha (zańsyz ańshylyq) is qozǵaldy. Saraptamalar taǵaıyndalyp, kólik aýdandyq polısııa bólimine jetkizildi», delingen oblystyq PD taratqan habarlamada.
Aıta keteıik, atalǵan bap boıynsha kúdikti úsh jylǵa deıin bas bostandyǵynan aıyrylýy múmkin. Sonymen qatar, zańsyz ańshylyq jasaǵan azamattyń múlkin tárkileý túrindegi jaza da qarastyrylǵan.
Aıtk keteıik, bulan – elimizde sırek kezdesetin, asa iri tuıaqty ańdardyń biri. Ol tabıǵı tepe-teńdikti saqtaýda mańyzdy ról atqarady jáne Qazaqstannyń birqatar aımaǵynda qorǵalatyn ańdar tizimine engizilgen.
Osy oraıda, polısııa ókilderi tabıǵat qorǵaý zańnamasyn qatań saqtaýǵa shaqyryp otyr.
«Árbir azamat jabaıy tabıǵatqa qurmetpen qaraýy tıis. Eger brakonerlik derekteriniń kýási bolsańyz, dereý polısııaǵa habarlasyńyz», dedi vedomstvo ókilderi.
