PETROPAVL. 6 mamyr. Soltústik Qazaqstan oblysy Esil aýdanyna qarasty Jálel Qızatov atyndaǵy aýylsharýashylyq kolledjinde belgili memleket jáne qoǵam qaıratkeri Báıken Áshimovke memorıaldyq eskertkish qoıyldy. Bul týraly oblystyq ákimdiktiń baspasóz qyzmeti habarlady.
Báıken Áshimuly 1935-1938 jyldary aralyǵynda osyndaǵy Lenın aýyl sharýashylyǵy tehnıkýmynda oqyǵan. Keıin Lenıngrad qoldanbaly zoologııa ınstıtýtyn, joǵary partııa mektebin bitirgen.1942-45 jyldary uly otan soǵysyna qatysyp,otty jyldardyń ashy dámin tatqan. Maıdannan oralǵannan keıin Aıyrtaý, Zerendi aýdandarynda, Kókshetaý, Qaraǵandy, Taldyqorǵan oblystarynda partııa komıtetterin basqarǵan. Mınıstrler keńesiniń, joǵarǵy keńes prezıdıýmynyń tóraǵasy boldy. Táýelsizdik jyldary Elbasymyzdyń bastamalaryn qyzý qoldap, mańyzdy oqıǵalardyń basy-qasynda júrdi.
Memorıaldyq eskertkishtiń ashylý saltanatynda oblys ákimi Erik Sultanov, Qazaqstan halqy Assambleıasynyń múshesi Anatolıı Bashmakov, Qazaqstannyń Eńbek Eri Gennadıı Zenchenko, aqyn Mútallap Qanǵojın, marqumnyń uly, SQMÝ-niń rektory Ońdasyn Áshimov sóılep, ómiri tutas bir dáýirdi qamtyǵan, árqashan halqynyń, eliniń ıyǵyna túsken synaqtardyń aldyńǵy qatarynda bolǵan tanymal tulǵa jaıly estelikter aıtty. Adamgershilik qasıetteri, bilimi men danalyǵynyń arqasynda Báıken Áshimovty «uly qazaq dalasynyń aqsaqaly», dep atap ketken.
Aıtýly sharadan soń meımandar kolledjdiń murajaıyn aralap, memleket, qoǵam qaıratkeri jaıly jádigerlermen tanysty.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.
