Ulttyq qordyń shapaǵaty

Kámelet jasqa tolǵandar­dyń alǵashqy legi qarajatyn jumsap úlgerdi.  Onyń ishinde turǵyn úı jaǵdaıyn jaqsartý maqsatynda 9,20 mln dollar somasynda 71 488 ótinish  oryndalǵan. Oqý aqysyn tóleý úshin 5,66 mln dollar soma 46 007 ótinish berýshige tıgen. Nysanaly jınaqtardy alýshy barlyq somany nemese onyń bir bóligin paıdalanýǵa quqyly. Paıdalanylmaǵan qarjy nysanaly jınaqtaý shotynda qalady.

Qarajatty turǵyn úı­di jaqsartýǵa paıdalan­ǵan­dardyń deni jarnany turǵyn úı qurylysy jınaqtaryndaǵy salymdy tolyqtyrý úshin paıdalanǵan. Osy maqsatta 9 mln dollarǵa 69 756 ótinish oryndalǵan. Ipotekalyq tur­ǵyn úı qaryzyn alýdy oılas­tyryp bastapqy jarna aýda­rýdy oılaǵandardyń 66,52 myńnan dollarǵa 551 ótinish maquldanǵan. Azamattyq-quqyqtyq mámileler boıynsha menshikke turǵyn úı satyp alýǵa (túpkilikti esep aıyrysý) jalpy somasy 49,84 myń dollar 436 ótinish berýshige tıgen.

Baǵdarlamaǵa sáıkes, Ulttyq qor ınvestısııalyq tabysynyń 50%-y jylyna bir ret 2006 jyly, odan keıin týǵan, 18 jasqa tolmaǵan el azamattaryna bólinedi. 2023 jyly barlyq nysanaly jınaqtardy alýshylarǵa 100,52 dollar, byltyr 129,38 dollar tıdi. 2006 jyly týǵan­dardy qospaǵanda, 2023 jyly Ulttyq qordan alǵashqy qa­rajat alǵan balalarǵa bıyl 3,04 dollary mólsherinde ın­ves­tısııalyq tabys eseptelgen. Nátıjesinde, 2006 jyly tý­ǵan balanyń nysanaly jınaq­­tary 100,52 dollar, 2007 jyly týǵan balanyń jınaǵy 232,94 dollardy quraıdy.