Kásibı mereke ıeleri «Eńbek Dańqy» II jáne III dárejeli tósbelgilerimen, Ulytaý oblysynyń Qurmet gramotasymen, kásiporynnyń Qurmet gramotalarymen, «Eńbek ozaty» kásipodaq marapatymen, «Kásipodaqtyń qurmetti qaıratkeri» tósbelgisimen, «Eńbek Tabysy» tósbelgisimen marapattaldy.
Saltanatty jıynda sóılegen sózinde oblys ákimi Dastan Ryspekov:
«Metallýrgııa – Qazaqstan ekonomıkasynyń tiregi. Bul sala – elimizdiń ındýstrııalyq qýatyn aıqyndaıtyn strategııalyq baǵyt. Al Ulytaý – metallýrgııanyń tarıhı mekeni. Búgingi tańda da bizdiń óńir – metall óndirisiniń iri ortalyǵy retinde el damýyna úles qosyp otyr. Sizderdiń mańdaı termen kelgen tabysty eńbekterińiz – halqymyzdyń ál-aýqatyn arttyrýdyń basty kepili», - dep metallýrg mamandardyń el ıgiligi úshin atqaryp otyrǵan qyzmetiniń mańyzyn atap ótti.
Baıytýshylardyń kásibı merekesi búgin «Metallýrg Fest» festıvalimen jáne Alashahan alańynda bastalatyn gala konsertpen jalǵasady.
Ulytaý oblysy
