«Tańnan sýyq habar jetti. 85 jasqa qaraǵan shaǵynda Qazaqstannyń halyq jazýshysy, «Platınaly Tarlan» táýelsiz syılyǵynyń laýreaty, ult aqyny, belgili dramatýrg jáne daryndy kompozıtor Israıl Saparbaı aǵamyz dúnıeden ótti. Iá, saǵat tili qasıetti jumaǵa qaraı aýǵanda aqynyń sońǵy demi úzildi. Uly aqynnyń Qaskeleńdegi qara shańyraǵynda, bala-shaǵasynyń aldynda aýyr naýqastan qaıtqany týraly habardy aǵamyzdyń uly Nurlan Israıluly habarlady», dep jazdy Qasymhan Begmanov.
Israıl Saparbaı – qazaq lırakasyn joǵary deńgeıge kóterip, ulttyq rýhty bıik deńgeıde jyrlaǵan tulǵa. Onyń qalamynan týǵan óleńder, tereń mazmundy dramalar men júrekke jol tapqan ánder tutas býynnyń sanasyna sáýle túsirdi.
Byltyr Memleket basshysy Qasym-Jomart Toqaev Israıl Saparbaıǵa mádenıet pen ádebıetti damytýǵa qosqan eleýli úlesi úshin «Qazaqstannyń Halyq jazýshysy» qurmetti ataǵyn bergen bolatyn.
