Energııa resýrstaryna qatysty ózge de derekter de nazar aýdartady. Máselen, jylý energııasyn óndirý kólemi de azaıǵan. Maýsymda elimiz boıynsha 3,7 mln gıgakalorııa jylý óndirilip, bul kórsetkish mamyr aıymen salystyrǵanda 4,2 paıyzǵa tómen bolǵan. Sarapshylar bul ózgeristi aýa raıynyń jylynýymen baılanystyryp otyr – jaz aılarynda jylýǵa degen suranys ádette azaıady.
Al sý resýrstaryn paıdalaný kerisinshe, ósim kórsetti. Eldegi sýmen jabdyqtaý kólemi maýsymda 254 mln tekshe metrge jetip, bir aı ishinde 7,6 paıyzǵa artqan. Bul kórsetkish aýyl sharýashylyǵy maýsymynyń qyzǵan shaǵymen jáne aýa temperatýrasynyń kóterilýine baılanysty sý tutynýdyń ulǵaıýymen túsindiriledi.
Sarapshylardyń aıtýynsha, elektr jáne jylý tutynýyndaǵy maýsymdyq aýytqýlar – qalypty qubylys. Alaıda bul kórsetkishter energetıkalyq josparlaýǵa, ınfraqurylymdy ońtaılandyrýǵa jáne tutyný mádenıetin qalyptastyrýǵa aıtarlyqtaı yqpal etedi.
