Zań men Tártip • 18 Shilde, 2025

Júrgizýshi kýáligin alý sıfrlandy

140 ret

kórsetildi

1 mın

oqý úshin

Sıfrlyq damý, ınnovasııalar jáne aeroǵarysh ónerkásibi mınıstrligi júrgizýshi kýáligin alý men aýystyrý rásimin edáýir jeńildetetin qanatqaqty jobany iske qosty. Endi alǵash ret júrgizýshi kýáligin alý úshin ótinishti onlaın túrde, tikeleı «HQKO» mobıldi qosymshasy arqyly berýge bolady. Al burynǵy kýálikti aýystyrý rásimi tolyǵymen sıfrlyq formatqa kóshirilip otyr – bul qyzmetter eGov elektrondy úkimet portaly men EgovMobile qosymshasy arqyly qoljetimdi, dep jazady Egemen.kz.

Abzal MAQASh

Mınıstrlik taratqan málimetke sáıkes, joba 2026 jylǵy 30 maýsymǵa deıin pılottyq rejımde júzege asyrylady. Osy ýaqyt aralyǵynda júıe synaqtan ótip, tehnıkalyq jáne quqyqtyq tetikteri jetildiriledi.

Sıfrlyq qujat aınalymyn damytý baǵytyndaǵy bul qadam halyqtyń ýaqyty men resýrsyn únemdeýge baǵyttalǵan. Buryn júrgizýshi kýáligin alý úshin halyqqa qyzmet kórsetý ortalyǵyna baryp, kezek kútý qajet bolsa, endi bar prosess birneshe mınýt ishinde smartfon arqyly júzege asady.

Memlekettik qyzmetterdi qoljetimdi etý jáne olardy azamattarǵa yńǵaıly etý baǵytynda mınıstrlik budan ári de jańashyl qadamdar jasaýdy josparlap otyr. Bolashaqta júrgizýshi kýáligine qatysty bul fýnksııalardy bank qosymshalaryna da engizý kózdelgen.

Osylaısha, júrgizýshi kýáligine qatysty negizgi qyzmetter birtindep sıfrlyq keńistikke kóshirilip, memlekettik qyzmet kórsetý sapasy jańa deńgeıge kóterilmek.