О́ńir basshysy Ashat Shaharov «Qazhrom» TUK» AQ bas dırektory Sergeı Prokopevke –«Qurmet» ordeni, «Aqtóbe mys kompanııasy» JShS-i ekskavator mashınısi Marat Saqtaevqa jáne «Aqtóbe rels-arqalyq zaýytynyń» avtokólik júrgizýshisi Serik Súleımenovke «Eren eńbegi úshin» medalin tabystady.
«Memleket basshysy adal ári tabandy eńbegimen tabysqa jetken adamdar qashanda qurmetti, syıly bolýy kerek degen úndeý tastap, bıylǵy jyldy «Jumysshy mamandyqtar jyly» dep jarııalady. Osy jyl aıasynda jumysshy mamandyǵynyń qoǵamdaǵy bedelin arttyrý, eńbek adamyna laıyqty qurmet kórsetý jáne kásibı sheberlikti damytý basty maqsattardyń biri bolyp otyr. Búgin biz elimizdiń ónerkásiptik qýatyn arttyryp, ekonomıkalyq turaqtylyqqa zor úles qosyp júrgen sala mamandaryn qurmetteý úshin jınaldyq. Tabystalatyn marapat — eńbek adamyna degen qurmettiń naqty kórinisi», dedi ol.
Qazirgi ýaqytta Aqtóbe oblysynda 18 myńnan astam adam eńbek etetin segiz iri taý-ken kásiporny bar. Olardyń arasynda «Qazhrom» transulttyq kompanııasy, «Voshod Orıel», «Aqtóbe mys kompanııasy» jáne «Aqtóbe rels-arqalyq zaýyty» kompanııalarynyń ónimderi álemdik naryqta joǵary suranysqa ıe. Kúni keshe Aqtóbe ferroqorytpa zaýytynda bir peshte 177 tonnadan astam joǵary kómirtekti ferrohrom óndirilip, álemdik rekord jańartyldy. Bul jetistik WORLD BOOK OF RECORDS tizimine engizilip, halyqaralyq deńgeıde moıyndaldy.
Aqtóbe oblysy
