Balalar temir joly Túıemoınaq (Beıbitshilik) aralynda. Sonymen qatar aralda jańa qoǵamdyq keńistik ashylyp, balalarǵa arnalǵan túrli oıyn alańdary men sporttyq oryndar jasaqtalǵan. Máselen, fýtbol, voleıbol, strıtbol, vorkaýt alańdary bar. Bul alańdar jastardyń bos ýaqytyn, jazǵy demalysty tıimdi ótkizýine múmkindik beredi.
Balalar temirjoly Semeıde 1979 jyly ashylǵan, biraq 1990 jyldardyń ortasynda jabylyp qalǵan edi. Jergilikti ákimshiliktiń bastaýymen, KAZ Minerals Toby 620 mln qarjy bólip, teplovoz ben vagondardy satyp alýǵa demeýshilik jasaǵan. Nátıjesinde temirjol qaıta jańartyldy. Alǵashqy kezeńde uzyndyǵy 2 shaqyrym aýmaqqa serýen jasalady. Poıyz kishkentaı jolaýshylarǵa Ertis ózeniniń ádemi kórinisterin tamashalaýǵa múmkindik beredi.
«Teplovoz ben vagondar elimizdiń temirjol tehnıkasyna mamandanǵan Qambar mashına jasaý zaýytynda daıyndalǵan. Ár vagonnyń uzyndyǵy 12 metr bolyp, 32 oryndy qamtıdy», deıdi temirjol qyzmetkerleri.
Abaı oblysy
