Elbasy múmkindigi shekteýli adamdardyń jaǵdaıyn jasap, óz kásipterin ashyp, bıznesin bastaýǵa kómektesýge tapsyrma bergen edi. «Damý» kásipkerlikti damytý qory» men «Kazkommersbanktiń» qoldaýynyń arqasynda múmkindigi shekteýli kásipker Shaıhy-Islam Maǵaýııauly aǵashtan túrli buıymdar jasaý óndirisin bastap ketti.
Shaıhy-Islam Maǵaýııauly byltyr múmkindigi shekteýli jandar arasynda kásipkerlikti damytýǵa baǵyttalǵan «Juldyzdarǵa qara» jobasyna qatysyp, jeńimpaz atanǵan bolatyn. «Damý» kásipkerlikti damytý qory» AQ jáne «Kazkommersbank» AQ-tyń «Qus joly» korporatıvtik qaıyrymdylyq qorymen birlesip júzege asyratyn joba aıasynda Aral aýdanynyń jas kásipkerine jonǵysh stanok satyp alýǵa grant bólingen edi. Jańa qurylǵy kásipkerdiń shaǵyn bıznesiniń keńeıýine septigin tıgizip, estelik syılyqtar, zergerlik jáne basqa da buıymdardy sapaly etip shyǵarýǵa óz paıdasyn ákeldi. Jonǵysh stanokpen jas kásipker Shaıhy-Islam temirdiń túr-túrinen, tústi metaldardan shashbaý, tumar, bilezik, saqına, júzik, erler júzigi, t.b zergerlik buıymdardy, sonymen qatar, qaıyń aǵashynan ydys aıaqtar, bas tabaq, sholpy, qasyq, kese, teriden torsyq, keseqap sekildi turmystyq buıymdardy daıyndaýdy jetik meńgerip, araldyq turǵyndar men Aral teńizin kórýge kelgen týrısterge óz ónimin satýda.
Onyń sózinshe, bıznesin hobbı dep biledi jáne súıikti isimen qýana aınalysady. Alaıda, dárigerler qolóner salasymen aınalyspaýǵa keńes bergen. Sebebi, kásipkerdiń kórý qabileti jyl sanap nasharlap barady. Degenmen, maqsatshyl jas kásipker osy bilgenimen toqtap qalmaq emes jáne búginde Astana qalasynda 2017 jyly ótetin halyqaralyq EKSPO – 2017 kórmesine qatysýǵa úlken daıyndyq jasaýda.
Erjan BAITILES,
«Egemen Qazaqstan».
Qyzylorda.
Shaıhy-Islam Maǵaýııauly byltyr múmkindigi shekteýli jandar arasynda kásipkerlikti damytýǵa baǵyttalǵan «Juldyzdarǵa qara» jobasyna qatysyp, jeńimpaz atanǵan bolatyn. «Damý» kásipkerlikti damytý qory» AQ jáne «Kazkommersbank» AQ-tyń «Qus joly» korporatıvtik qaıyrymdylyq qorymen birlesip júzege asyratyn joba aıasynda Aral aýdanynyń jas kásipkerine jonǵysh stanok satyp alýǵa grant bólingen edi. Jańa qurylǵy kásipkerdiń shaǵyn bıznesiniń keńeıýine septigin tıgizip, estelik syılyqtar, zergerlik jáne basqa da buıymdardy sapaly etip shyǵarýǵa óz paıdasyn ákeldi. Jonǵysh stanokpen jas kásipker Shaıhy-Islam temirdiń túr-túrinen, tústi metaldardan shashbaý, tumar, bilezik, saqına, júzik, erler júzigi, t.b zergerlik buıymdardy, sonymen qatar, qaıyń aǵashynan ydys aıaqtar, bas tabaq, sholpy, qasyq, kese, teriden torsyq, keseqap sekildi turmystyq buıymdardy daıyndaýdy jetik meńgerip, araldyq turǵyndar men Aral teńizin kórýge kelgen týrısterge óz ónimin satýda.
Onyń sózinshe, bıznesin hobbı dep biledi jáne súıikti isimen qýana aınalysady. Alaıda, dárigerler qolóner salasymen aınalyspaýǵa keńes bergen. Sebebi, kásipkerdiń kórý qabileti jyl sanap nasharlap barady. Degenmen, maqsatshyl jas kásipker osy bilgenimen toqtap qalmaq emes jáne búginde Astana qalasynda 2017 jyly ótetin halyqaralyq EKSPO – 2017 kórmesine qatysýǵa úlken daıyndyq jasaýda.
Erjan BAITILES,
«Egemen Qazaqstan».
Qyzylorda.
