Memlekettik konserttik ujymdar elimizdi aımaqtarda da, halyqaralyq sahnalarda da tanytyp, el abyroıyn asqaqtatyp júr. Sońǵy alty aı ishinde ónerpazdar Qazaqstan boıynsha 12 ret, shetelge 7 ret gastroldik saparǵa shyqqan. Atap aıtsaq, Roza Baǵlanova atyndaǵy «Qazaqkonsert» memlekettik akademııalyq konserttik uıymy Bolgarııada, BAÁ-de, Ázerbaıjanda jáne Ulybrıtanııada óner kórsetti. Jyl sońyna deıin áli de Kanada, Fransııa, Qytaı, Túrkııa jáne basqa memleketterge gastroldik saparlar josparlanǵan.
Bıyl mereıtoılarǵa erekshe nazar aýdaryldy. Qazaqstannyń halyq ártisi Nurǵısa Tilendıevtiń 100 jyldyq mereıtoıyna oraı baıqaýlar, konsertter jáne Beıjińdegi gastroldik baǵdarlama uıymdastyryldy. Ankarada TÚRKSOI uıymdastyrǵan is-sharada «Nurǵısa Tilendıev jylynyń» saltanatty ashylýy ótti. Sondaı-aq Shámshi Qaldaıaqov, Evgenıı Brýsılovskıı, Jambyl atyndaǵy fılarmonııa jáne «Saltanat» bı ansambline arnalǵan mereıtoılyq is-sharalar uıymdastyryldy.
«Saltanat» memlekettik bı ansambli 2025 jyly konserttik kostıýmder de tigildi. Bıyl jalpy 56 kıim úlgisi ázirlendi. Onyń ishinde 32 áıel, 24 er adam kostıými bar. Sonymen qatar, ShYU-ǵa múshe memleketter basshylary keńesiniń 24 otyrysyna arnalǵan konserttik baǵdarlamaǵa jáne Dúnıejúzilik kóshpendiler oıyndarynyń ashylý saltanatyna arnalǵan sahnalyq kıimder daıyndaldy. UQShU jobasy aıasynda tigilgen kostıýmderdiń 32 úlgisi «Sazgen sazy» folklorly-etnografııalyq ansambline berilse, «Birlik» bı ujymyna 33 kostıým tabystaldy.
Jalpy alǵanda, sońǵy eki jylda sahnalyq kostıýmder Qazaq memlekettik akademııalyq sımfonııalyq orkestri, Qurmanǵazy atyndaǵy halyq aspaptary ulttyq orkestri, «Birlik» án-bı ansambli jáne Roza Baǵlanova atyndaǵy «Qazaqkonsert» akademııalyq konsert uıymy úshin daıyndaldy.
Qazaqstandyq ónerpazdar shetelde de tamasha nátıjelerge jetip júr. Atap aıtsaq, «GULDER» ansambliniń ártisi Latvııada eki altyn medal ıelendi, ánshi Dıdar Ábdýhalyq Bolgarııadaǵy baıqaýda birinshi oryndy jeńip aldy. Áıgerım Altynbek La Skala akademııasyna qabyldanyp, Andrea Bochellı men Hose Karrerospen birge óner kórsetti. Marııa Mýdrıak Qytaıda «Fıgaronyń úılenýi» operasynda debıýt jasady.
Sonymen qatar, respýblıkalyq telearnalarda qazaq kompozıtorlary Eskendir Hasanǵalıev, Nurǵısa Tilendıev, Keńes Dúısekeev shyǵarmashylyǵyna jáne qazaq kınosyna arnalǵan konsertterdiń telenusqalary kórsetilip keledi.
Qazaqstan Respýblıkasynyń Mádenıet jáne aqparat mınıstrligi óz kezeginde otandyq mýzyka ónerin damytýǵa jáne onyń halyqaralyq arenada tanylýyna qoldaý kórsetýdi jalǵastyra beredi.
