Janýarlardyń asa qaýipti aýrýlaryn (usaq kúıis qaıyratyn janýarlardyń obasy, aýsyl, brýsellez, pasterellez, sibir jarasy jáne taǵy basqa) boldyrmaý maqsatynda kıikterdiń búkil popýlıasııasyna Ulttyq veterınarııa referenttik ortalyǵy turaqty túrde epızootııalyq monıtorıng júrgizedi.
Sonymen qatar, kıiktermen ortaq jaıylymdar men sýattarda aýyl sharýashylyǵy janýarlaryna da veterınarııalyq qyzmet turaqty túrde monıtorıngtik zertteýler júrgizip otyrady.
Aıta ketý kerek, kıikterdi soıý jáne bıologııalyq qaldyqtardy zalalsyzdandyrý boıynsha tıisti normatıvter qabyldanǵan. 2023 jylǵy 27 qarashada QR ST «Kıik eti buqtyrylǵan. Tehnıkalyq sharttar» jáne QR ST «kıik eti – tutas jáne jartylaı ushalar. Jalpy tehnıkalyq sharttar» ulttyq standarttary bekitilgen.
Qazirgi ýaqytta kıikterdiń sanyn retteý jumystaryna 6 oblystaǵy 24 soıý pýnkti jumyldyrylǵan. Barlyq soıý obektileri veterınarııalyq-sanıtarııalyq talaptarǵa saı (mal soıýǵa arnalǵan arnaıy bólmeler, tońazytqysh kameralar, ushalardy ilýge arnalǵan quraldar, sýmen jabdyqtaý jáne t.b.).
Ushalar soıý oryndaryna jetkizilgen soń, olar veterınarııalyq dárigerlerdiń baqylaýynan ótip, veterınarııalyq-sanıtarııalyq saraptamadan ótkiziledi.
Bul rette, kıik etine mindetti zertteýler júrgiziledi, olar:
•Ushanyń, ishki aǵzalardyń jáne basynyń organoleptıkalyq qaraýy;
•Barlyq qoljetimdi lımfa túıinderin jaryp, ishki aǵzalardy tilip tekserý;
•Qaınatý synamasy;
•Fınnozǵa (sıstıserkoz) zertteý;
•Jalpy radıasııalyq fondy anyqtaý.
Ushanyń veterınarııalyq talaptarǵa sáıkestigi anyqtalǵan jaǵdaıda, et ári qaraı bólshektelip, óńdeledi, al qaldyqtar zalalsyzdandyrylady.
Kıikten alynǵan ónim veterınarııalyq dárigerler bergen anyqtamamen súıemeldenedi. Bul qujat ónimniń shyqqan jerin, qaýipsizdigin jáne sapasyn rastaıdy.
О́tkiziletin janýarlardan alynatyn ónimder veterınarııalyq-sanıtarııalyq qaýipsizdik talaptaryna saı bolýy qajet.
Qazaqstan Respýblıkasynyń «Veterınarııa týraly» Zańynyń 22-babyna sáıkes, janýarlardan alynatyn ónimder men shıkizatty veterınarııalyq-sanıtarııalyq saraptamasyz ótkizýge tyıym salynady.
Sonymen qatar, ishki saýda nysandarynda veterınarııalyq ınspektorlar kúndelikti baqylaý júrgizedi. Olar:
•Veterınarııalyq anyqtamanyń jáne soıý ornynyń tańbasynyń bolýyn;
•О́nimdi tasymaldaý kezinde temperatýralyq rejımniń saqtalýyn;
•Zerthanalyq baqylaý nátıjelerin tekseredi.
Osyǵan baılanysty, Veterınarııalyq baqylaý jáne qadaǵalaý komıteti tutynýshylarǵa kıik etin arnaıy belgilengen oryndardan jáne veterınarııalyq ilespe qujattar bolǵan jaǵdaıda ǵana, tamaqtaný jáne veterınarııalyq-sanıtarııalyq qaýipsizdik talaptaryna sáıkes satyp alýdy usynady.
