Foto: ashyq derekkóz
Áıel buǵan deıin memlekettik qyzmetshi retinde turǵyn úı alý kezegine tirkelgen. Ýaqyt óte kele ata-anasynan Soltústik Qazaqstan oblysy, Olshanka aýylyndaǵy jeke turǵyn úıdiń tórtten bir bóligi muraǵa qalǵan. Atalǵan úlestiń jalpy aýdany 20 sharshy metrden sál assa, onyń tek 10,5 sharshy metri ǵana – turǵyn alańy. 2023 jyly áıel bul úlesti kórshisine syıǵa bergen.
2024 jyly ol jergilikti atqarýshy organdardyń kezek arqyly nesıege úı berý baǵdarlamasy aıasynda Petropavl qalasynan páter alýǵa múmkindik alǵan. Alaıda qalalyq turǵyn úı-kommýnaldyq sharýashylyq bólimi satyp alý-satý shartyn jasaýdan bas tartty. Ýáj retinde – áıel buryn ıelik etken baspananyń adam turýǵa ábden jaramdy ekenin alǵa tartqan.
Joǵarǵy sot bul iske aralasyp, máseleni qaıta qarady. Sot organynyń málimetinshe, áıel ıelik etken úles «Turǵyn úı qatynastary týraly» zańynda kórsetilgen sanıtarlyq jáne gıgıenalyq talaptarǵa sáıkes kelmeıtin bolyp shyqty. Atalǵan zańǵa sáıkes, ár adamǵa keminde 15 sharshy metr turǵyn alańy tıesili bolýy tıis. Buǵan qosa, áıeldiń balalary ul men qyz bolǵandyqtan, olardyń árqaısysynyń jeke keńistigi zańmen qorǵalýy tıis ekenin dáleldedi.
«Sot talapkerdiń ýájin negizdi dep tanyp, turǵyn úı baǵdarlamasyna qatysýshy retinde TKSh bólimimen satyp alý-satý shartyn jasasýǵa mindettedi. Sheshim zańdy kúshine endi», dep habarlady Joǵarǵy sot.
