Foto. ashyq derekkóz
«Biz balalarǵa yńǵaıly Baby Grok qosymshasyn jasaýdy qolǵa alamyz», dedi mıllıarder qysqa ǵana jazbasynda.
Alaıda Mask bul jobanyń naqty qandaı maqsatta jasalatyny, balalarǵa qalaı kómektesetini jáne qashan iske qosylatyny jóninde qosymsha málimet bergen joq. Qazirshe Baby Grok týraly belgilisi – onyń ataýy ǵana.
Ilon Maskqa tıesili xAI kompanııasy jýyrda ǵana Grok 4 atty jasandy ıntellekt chat-botyn iske qosqan edi. Buǵan deıingi nusqalary birneshe aı buryn ǵana jarııalanǵan. Osydan-aq kompanııanyń JI tehnologııasyn damytýdy asa joǵary qarqynmen júrgizip jatqanyn baıqaýǵa bolady.
Aıta keteıik, Grok chat-boty X platformasymen tyǵyz yqpaldastyqta jumys isteıdi. Alaıda Bloomberg agenttiginiń habarlaýynsha, osy bot arqyly antısemıttik sıpattaǵy keıbir jazbalar jarııalanǵan. Bul jaǵdaı qoǵamda syn týǵyzyp, kompanııanyń ımıdjine teris áser etken.
Degenmen, Ilon Masktyń jańa bastamasy – Baby Grok – balalar men jasóspirimderge arnalǵan qaýipsiz, beıimdelgen jasandy ıntellekt quraly retinde jasalýy múmkin. Ázirge naqty málimetter az bolǵanymen, bul joba JI salasyndaǵy qyzyqty ári tyń baǵyttardyń biri bolary anyq.
