«Jol aktıvteri ulttyq sapa ortalyǵy» RMK Ulytaý oblystyq fılıalynyń mamandary osy joldardyń sapasyn tekserip, asfalt betonnan synama alý jumystaryn júrgizdi.
Synama alý jumysymen qatar aldaǵy ýaqytqa josparlanǵan joldardyń kólemderi de ólshendi.
Qazaqstan Respýblıkasynyń Kólik mınıstrligi Avtomobıl joldary komıtetiniń «Jol aktıvteri sapasynyń ulttyq ortalyǵy» sharýashylyq júrgizý quqyǵyndaǵy respýblıkalyq memlekettik kásiporny men «Jáırem kenti ákiminiń apparaty» memlekettik mekemesi arasynda kelisimshart negizinde 13 kóshede asfalt jabyndysynan synama alyndy. Sonyń ishinde Asatov, Serpin kósheleri tekseristen ótpeı qalǵan. Osy atalǵan kóshelerden qaıtadan synama alyndy. Nátıjesi on jumys kúni ishinde daıyn bolady. Eger atalǵan kósheniń joldary taǵy da talapqa saı bolmasa, asfalt tolyqtaı súrilip tastalyp, qaıtadan salynady.
«Biz Jáırem kenti joldarynyń ortasha jóndeý jumystaryn tekserdik. Jol jóndeý jumystary bastalǵannan bastap bizdiń fılıal Jáıremge jeti ret kelip, synaq zerthanasyna qyryq segiz synama aldy. Nátıjesinde iriktelinip alynǵan synamanyń úsheýi normatıvtik talaptarǵa saı bolmaǵandyqtan qaıtadan synama alýǵa keldik», deıdi Jol aktıvteri sapasynyń ulttyq ortalyǵy Ulytaý oblysy boıynsha fılıalynyn ınjeneri Orazaly Orazbaev.
Synamalardy kez kelgen jerden alýǵa bolmaıdy. О́ziniń belgilengen jerleri bar. Synama alý kezinde mindetti túrde merdiger kompanııanyń mamandary jáne tehnıkalyq qadaǵalaý mamandary qatysady. Osy joly synama alýǵa joldy jasaǵan merdiger «Arqa qurylys - 2009» JShS ókilderi, kent ákimi jáne depýtattar da bardy.
Ulytaý oblysy
