«Asyldyń synyǵy edi… Tulpardyń tuıaǵy edi… Aramyzda ańqyldap júrgen adal dosymyz, ádiletsizdik ataýlyǵa qany qas jaýjúrek baýyrymyz — belgili jýrnalıst Muhtar Túmenbaı dosymyzdan qapyda aırylyp qaldyq… Úıinde otyryp, júregi kenet syr beripti. Baqul bol, baýyrym…», dep jazdy jýrnalıst S. Muqashev.
Muhtar Túmenbaı 1970 jyldyń 11 tamyzynda dúnıege kelgen. Belgili jazýshy, kósemsózshi Jaqsylyq Túmenbaevtyń uly. Ál-Farabı atyndaǵy Qazaq ulttyq ýnıversıtetiniń túlegi.
Shyǵarmashylyq jolyn merzimdi baspasózde bastaǵan Muhtar Túmenbaı túrli respýblıkalyq gazetter men telearnalarda jumys istedi. Ol ótkir áleýmettik máselelerdi kóterip, qoǵamdyq oıdyń qozǵaýshysy bola bildi. Jýrnalıstik qyzmetinde ádilettilik pen adamgershilik ustanymyn bıik qoıǵan tulǵa retinde tanyldy.
Ákesiniń qalamgerlik jolyn laıyqty jalǵastyrǵan Muhtar Túmenbaı tek kásibı jýrnalıst qana emes, el ishindegi mádenı, rýhanı ahýalǵa beıjaı qaramaıtyn azamat, oıly pýblısıst, azamattyq kózqarasy qalyptasqan tulǵa retinde el jadynda qaldy.
