Foto: Boks federasııasy
World Boxing federasııasynyń uıymdastyrýymen ótetin básekege el atynan erler jáne áıelder quramasy barlyq salmaq dárejesinde baq synaıdy.
Qazaqstannyń jastar men jasóspirimder quramasyn baptaıtyn Baqyt Sársekbaev birinshilikke irikteý ár salmaqta sparrıng saıystary arqyly ótkenin aıtty.
«Taılandtaǵy U22 Azııa chempıonatyna Ystyqkólde Qyrǵyzstan quramasymen birge oqý-jattyǵý ótkizdik. Osy joly birqatar ulttyq quramanyń boksshylaryn berdi. Barlyǵy shynaıy bolý úshin, ár salmaqta sparrıng ótkizdik. Básekelestik joǵary deńgeıde boldy. Tizimge kirgen jigitterdiń barlyǵy da Taıland tórinen júlde alýǵa tas-túıin daıyn», dedi ol.
Sársekbaev senim artqan erler quramasy:
50 keli: Nurzat Ońǵarov
55 keli: Beksultan Boranbek
60 keli: Nurıslam Qaldybaev
65 keli: Ilıa Kalının
70 keli: Nurbek Mursal
75 keli: Aman Qonysbekov
80 keli: Sanjaráli Begalıev
85 keli: Azatbek Joldashan
90 keli: Temirlan Muqataev
90 keliden joǵary: Nurasyl Asylhan
Chempıonatqa qatysatyn áıelder quramasynyń bas bapkeri Eldos Saıdalın shákirtteri:
48 keli: Gúlnaz Bóribaeva
51 keli: Tomırıs Myrzaqul
54 keli: Elına Bazarova
57 keli: Vıktorııa Baıdýkova
60 keli: Ásem Tańatar
65 keli: Arýjan Jańabaeva
70 keli: Baqyt Seıdish
75 keli: Shuǵyla Nálibaı
80 keliden joǵary: Ásel Toqtasyn
Aıta keteıik, Azııa dodasyna 25 elden 396 boksshy (237 er jáne 159 áıel) tirkelgen. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, О́zbekstan, BAÁ, Vetnam, Býtan elderi bar.
