Foto: nippon.com
Saılaý nátıjesinde áıelder 125 orynnyń 33,6%-yn ıelengen.
Jalpy saılaýǵa 152 áıel kandıdat qatysqan. Bul 2022 jylǵy rekordtyq 181 úmitkermen salystyrǵanda az bolǵanymen, bul kórsetkish úmitkerlerdiń jalpy sanynyń 29,1%-yn quraǵan. Aıta keteıik, Japonııa úkimeti 2025 jylǵa qaraı bul kórsetkishti 35%-ǵa jetkizýdi maqsat etken.
Esterińizge sala keteıik, 2022 jyly áıel kandıdattardyń úlesi 33,2% bolyp, el tarıhyndaǵy eń joǵary deńgeıge jetken edi.
Bıyl áıel úmitkerlerdiń 102-si okrýgterden, al 50-i partııalyq tizim (proporsıonaldy júıe) boıynsha saılaýǵa túsken.
Kyodo News agenttiginiń habarlaýynsha, Japonııa úshin áıelderdiń saıası ókilettiligin arttyrý ózekti másele bolyp otyr. Dúnıejúzilik ekonomıkalyq forýmnyń 2025 jylǵy genderlik teńsizdik ındeksinde Japonııa 148 eldiń ishinde 118-orynǵa jaıǵasty.
