Foto: Ashyq derekkóz
Jaryssóz barysynda prokýror Ǵanı Alashbaevanyń telefonynan 2023 jyldyń 16 tamyzyndaǵy keıbir jazbalardy oqyp berdi.
«37 mıllıon teńge - mashına, 5 mıllıon teńge - tis emdeý, 10 mıllıon teńge - Týrsııaǵa baryp emdelip kelý, 3 mıllıon teńge BAD alyp ishý, 10 mıllıon teńge - qydyrý, 3 mıllıon teńge - fenshýı, 1 mıllıon teńge - badzy oqý, 2 mıllıon teńge - oflaın barý qydyrý jáne sol ýaqytta 3 mıllıon teńgege kıim alý , 3 mıllıon teńge bilezik aq altyn brıllıant», dep oqyp berdi prokýror.
Memlekettik aıyptaýshynyń aıtýynsha, Perızat Qaırat ózine jáne anasyna osyndaı iri kólemdegi shyǵyndarǵa múmkindik bergen qarjynyń shyǵý kózin senimdi túrde túsindire almaǵan.
«Ol tek Astana men Birikken Arab Ámirlikterinde páter satý jáne et ónimderin ótkizýmen baılanysty tabys jaıly dáleldenbegen ýájder keltirdi. Alaıda sotqa naqty rastaıtyn málimetter usynylmady», dedi prokýror.
