Elorda • 22 Shilde, 2025

LRT deposynyń 50 paıyzy daıyn

40 ret

kórsetildi

1 mın

oqý úshin

Depo – jyljymaly quramdy paıdalaný, tehnıkalyq qyzmet kórsetý jáne saqtaýdy qamtamasyz etetin kólik ınfraqurylymynyń negizgi býyny. «City Transportation Systems» kompanııasy osy mańyzdy bóliktiń qurylys qarqyny qyzý, 50 paıyzy daıyn ekenin málimdedi, dep jazady Egemen.kz.

Dana MYRZAQADIR

Foto: cts_kz

Munda basqarý ortalyǵy, paıdalaný deposy, jóndeý deposy, lokomotıv deposy sııaqty birneshe negizgi nysandar ornalasady.

Deponyń keshendi ortalyǵyn qurý LRT tehnıkasyn paıdalanýǵa, jóndeýge jáne qyzmet kórsetýge baılanysty barlyq prosesterdi ortalyqtan basqarýǵa múmkindik beredi.

Qazirgi ýaqytta paıdalaný jáne lokomotıv deposyndaǵy negizgi temirbeton jáne metall konstrýksııalyq jumystary aıaqtalǵan. Ishki bólimderdi montajdaý júrgizilip jatyr.

Keshendi ortalyq 18 stansııanyń jáne búkil jeliniń turaqty jumys isteýi úshin qajetti poıyzdardyń qozǵalysyn, LRT ınfraqurylymynyń jaı-kúıin táýlik boıy baqylaıdy.

Aıta keteıik, talaı jyldan beri qurylysy turalap qalǵan LRT-ny 2026 jyldyń basynda paıdalanýǵa berý josparlanǵan. Bul týraly Ortalyq kommýnıkasııalar qyzmetinde ótken brıfıngte qala ákimi Jeńis Qasymbek aıtqan bolatyn.