Shyǵys Qazaqstanda basqarma basshysy taǵaıyndaldy

ASTANA. 19 naýryz. Shyǵys Qazaqstan óńiriniń ákimi Danıal Ahmetovtiń ókimimen ekonomıka jáne bıýdjettik josparlaý basqarmasynyń basshysy bolyp Qýat Týmabaev taǵaıyndaldy. Bul týraly «QazAqparat» habarlady. Q.Týmabaev 1980 jyldyń 30 qazanynda Semeı qalasynda týǵan. Shákárim atyndaǵy Semeı memlekettik ýnıversıtetin 2001 jyly «halyqaralyq ekonomıkalyq qatynastar» mamandyǵy boıynsha, al 2003 jyly Qazaq gýmanıtarlyq zań ýnıversıtetin «quqyqtaný» mamandyǵy boıynsha támamdaǵan. Eńbek jolyn 2001 jyly «Alıans bank» AQ-nyń (Almaty qalasy) nesıelik bóliminiń mamany retinde bastaǵan. 2002-2003 jyldary Semeı qalasyndaǵy «Qazpolıgraf» AQ-nyń qarjy-ekonomıkalyq taldaý bóliminiń mamany, 2005 jyldyń sáýir aıyna bastap - Ekonomıka jáne bıýdjettik josparlaý mınıstrliginiń memlekettik alys-beris jáne nesıelendirýdi josparlaý departamentindegi úkimettik alys-beris saıasaty bóliminiń bastyǵy bolyp qyzmet atqarǵan. Al 2005 jyldyń qyrkúıek aıynan bastap Ekonomıka jáne bıýdjettik josparlaý mınıstrliginiń ınvestısııalyq saıasat jáne josparlaý departamentindegi bıýdjettik ınvestısııalardy josparlaý basqarmasy bastyǵynyń orynbasary, 2006 jyldyń qyrkúıeginen bastap basqarma bastyǵy bolyp jumys istegen. 2008 jyldan bastap Ekonomıka jáne bıýdjettik josparlaý mınıstrliginiń Investısııalyq saıasat departamenti dırektorynyń orynbasary qyzmetine aýystyryldy. 2011 jyly Ekonomıkalyq damý jáne saýda mınıstrliginiń aımaqtyq damý komıteti tóraǵasynyń orynbasary bolyp taǵaıyndaldy. 2012 jyldyń sáýir aıynan bastap Ekonomıkalyq damý jáne saýda mınıstrligi ınvestısııalyq saıasat departamentiniń dırektory bolǵan. 2014 jyldyń sáýir aıynan beri Ulttyq kásipkerler palatasy basqarmasy tóraǵasynyń keńesshisi bolyp jumys istegen. Joldybaı Bazar. Derek: «QazAqparat». Sýret: inmsk.ru.