Foto: Ashyq derekkóz
Týrızmnen túsken tabystyń basym bóligi ekinshi toqsanǵa tıesili – 1,2 mıllıard dollar. Bul ótken jyldyń sáıkes kezeńimen salystyrǵanda 9,1 paıyzǵa artyq. Sarapshylardyń boljamynsha, jyl sońyna deıin eldiń týrızm kirisi 4,5 mıllıard dollarǵa jetýi múmkin.
Resmı statıstıkaǵa sáıkes, ekinshi toqsanda Grýzııaǵa 1,6 mıllıon sheteldik kelýshi barǵan. Bul ótken jylmen salystyrǵanda 7 paıyzǵa kóp. Olardyń 80,1 paıyzy elde túnegen, al bir kúndik saparmen kelgender sany 5,4 paıyzǵa azaıǵan.
Týrıstik aǵynnyń artýyna Reseı (+16,0%), Eýropalyq Odaq elderi (+20,5%), Armenııa (+7,2%) jáne Úndistan (+33,5%) saıahatshylary eleýli úles qosqan. Sonymen qatar, Ázerbaıjannan keletin týrıster sany da 46,7 paıyzǵa ósip otyr, qurlyq shekarasy jabyq bolǵanyna qaramastan.
Al Túrkııa men Irannan keletin týrıster sany sáıkesinshe 16,5% jáne 8,2% tómendegen.
Aıta keteıik, 2025 jyldyń alǵashqy toqsanynda Qazaqstan týrıst jiberýshi alǵashqy on eldiń qataryna engen.
