Musan Erasyl (55 kg), Esbol Shámilov (63 kg), Álıhan Dúrsinov (72 kg) qolaǵa qol sozdy. Erkin kúres jarysynda 125 kg salmaq dárejesinde beldesken Edige Qasymbekke teń keler eshkim tabylmady. 17 jastaǵy balýan jartylaı fınalda úndistandyq Sıngh Iаsporannan, fınalda mońǵoldyq Naratulǵa Darmaabazardan basym tústi. Nurdanat Aıtanov (57 kg) pen Kamıl Kýrýglıev (97 kg) ekinshi oryn aldy. Alan Oralbek (61 kg) pen Dosjan Qul-Ǵaıyp (74 kg) úzdik úshtikti túıindedi. Áıelder kúresinen Anna Stratan (57 kg) men Meıramgúl Maqsot (72 kg) qola medal ıelendi.
- Sporttyq quzǵa órmeleýden Fransııanyń Shamonı qalasynda ótip jatqan álem kýboginde Rıshat Haıbýllın kúmis medal ıelendi. Fınalǵa erkin jetken qazaq jigiti sheshýshi tusta amerıkalyq Samýel Ýotsonǵa ese jiberdi. Ámir Maımuratovtyń da jeńis tuǵyryna kóterilýine múmkindigi boldy. Biraq shırek fınalda qatelik jibergen ol ıspanııalyq Erık Noıa Kardonaǵa jol berdi.
- Taekvondodan Ońtústik Koreıanyń Mýd-jın qalasynda ótken «World Taekwondo Diamond Game 2025 G-4» týrnırinde elimizdiń quramasy sátti óner kórsetti. Quramynda Mergen Ǵanıev, Abdýrahmon Marıpov, Kámıla Aımuqasheva, Aıda Táýkenova syndy sportshylary bar jerlesterimiz aralas komandalyq saıysta fınalǵa deıin jetip, bas júlde jolyndaǵy tartysta О́zbekstannyń B quramasynan 0:2 esebimen utyldy. Jekelegen saıysta Bekasyl Ergesh (80 kg) pen Aıaýlym Asqar (67 kg) kúmis júlde enshilese, Nurbek Ǵazez (68 kg) ben Almıra Qanat (57 kg) qola medal ıelendi.
- Bokstan álem jáne Azııa chempıonatynyń kúmis júldegeri Dýlat Bekbaýov kásipqoı rıngtegi tusaýkeser kezdesýin sátti aıaqtady. Almatyda uıymdastyrylǵan jarysta Tarazdyń týmasy ázerbaıjandyq Nıdjat Hasanovty (5-0-2, 2 KO) utty. Bes raýnd boıy taıaq jegen qarsylasy jekpe-jekti odan ári jalǵastyrýdan bas tartty.
