Foto: Ashyq derekkóz
Esterińizge sala keteıik, Úndistan 2020 jyly COVID-19 pandemııasyna baılanysty barlyq týrıstik vızalardyń berilýin ýaqytsha toqtatqan bolatyn.
Úndistannyń Beıjińdegi elshiligi sársenbi kúni habarlaǵandaı, Qytaı azamattary týrıstik vıza alý úshin onlaın ótinim toltyryp, qabyldaýǵa jazylyp jáne pasporttary men qajetti qujattaryn Úndistannyń Beıjiń, Shanhaı jáne Gýanchjoý qalalaryndaǵy vızalyq ortalyqtarǵa jeke tapsyrýy tıis.
Sońǵy jyldary Úndistan men Qytaı arasyndaǵy saıahat shekteýli boldy. Buǵan aldymen koronavırýs pandemııasy, keıin 2020 jyly Galvan ózeni mańynda bolǵan qaqtyǵystardan keıingi dıplomatııalyq shıelenis sebep bolǵan.
Biraq Beıjiń Úndistan azamattaryna bıznes pen bilim alý maqsatynda vızalar berýdi birtindep qalpyna keltirgenimen, týrızm baǵytyndaǵy saparlar áli de shektelip kelgen edi.
О́tken jyldyń qazan aıynda Úndistan premer-mınıstri Narendra Modı men Qytaı tóraǵasy Sı Szınpın Qazan qalasynda kelissózder júrgizip, ekijaqty qatynasty jaqsartý boıynsha birqatar sheshimder qabyldaǵan.
