Foto: Sý resýrstary jáne ırrıgasııa mınıstrligi
Kanaldardy tazartý isindegi basty maqsat – sýarý júıeleriniń tıimdiligin arttyrý jáne sýdyń shyǵynyn boldyrmaý.
Sý resýrstary jáne ırrıgasııa vıse-mınıstri Erbolat Ibraıhanovtyń aıtýynsha sharýa qojalyqtaryna turaqty sý jetkizý úshin 517 gıdrotehnıkalyq nysan jóndelip jatyr.
«Sýarý kezeńi bastalǵanǵa deıin 78 qurylym jóndeldi. Qalǵan 439 nysandy vegetasııa kezeńi aıaqtalǵannan keıin tıisti jaǵdaıǵa keltirý josparda bar. Barlyq jumys jyl sońyna deıin aıaqtalady», dedi vıse-mınıstr E.Ibraıhanov.
Qurylys-montajdaý jáne tazartý jumystarynda jańa arnaıy tehnıka belsendi qoldanylyp jatyr. Sala mınıstrligi jańa qural-jabdyqtarmen jáne avtokóliktermen «Qazsýshar» RMK-nyń barlyq fılıalyn jaraqtandyrýdy jalǵastyryp jatyr, búginde josparlanǵan 757 arnaıy tehnıkanyń 524-i berilgen.
