Foto: zhaikpress.kz
Mádenıet jáne aqparat mınıstrligi bul kórsetkish ótken jylmen salystyrǵanda birneshe ese joǵary nátıje ekenin málimdedi.
Qazir Naýryz aıynda bastalǵan «Jaqsylyq jasa» marafony búkil el aýmaǵynda jalǵasyp jatyr. Marafon aıasynda osy ýaqytqa deıin áleýmettik, ekologııalyq jáne mádenı baǵyttardy qamtyǵan 1600-den astam ıgi is atqarylǵan.
Memleket basshysy Qasym-Jomart Toqaevtyń tapsyrmasyna sáıkes, TMD elderi volonterleriniń forýmyn ótkizýge arnalǵan halyqaralyq ereje ázirlenip, ereje negizinde jyl saıynǵy Volonterler forýmy qurylǵan. Sonymen qatar, Qazaqstan 2026 jyly ótetin Halyqaralyq volonterler jylyna qyzý daıyndyqqa kirisken. Jyl basynan beri elimizdiń túrli aımaqtarynda 10 maqsatty toptyń kezdesýi ótti. Eki qazaqstandyq volonter halyqaralyq hatshylyqtarǵa, Túrkııa men Taılandqa jiberilgen.
Volonterler qarttar jáne balalar úılerinde kómek kórsetip, qutqarý jumystarynan bastap oqytý jobalaryna deıin túrli salada belsendilik tanytyp jatady. Sonymen birge, tótenshe jaǵdaılardyń aldyn alý men qaýipsizdik baǵytynda aqparattyq jumystarǵa qatysady. Barlyq óńirde 63 jastan asqan azamattarǵa arnalǵan «Belsendi uzaq ómir súrý» ortalyǵy jemisti jumys isteýde. Olar áleýmettik, bilim berý, ekologııalyq jáne mádenı jobalarǵa belsene atsalysyp jatyr.
Elimizde quqyqtyq volonterlik te damyp keledi. Búginde 3,5 myńnan astam zańger, advokat, notarıýs pen zań fakýltetteriniń stýdentteri halyqqa tegin quqyqtyq kómek kórsetip otyr. Jyl basynan beri 9 myńnan astam azamat tegin keńes alǵan.
Volonterlik qyzmet Qazvolunteer.kz onlaın-platformasy arqyly úılestiriledi. Qazir bul platformada 3,7 myńnan astam uıym men 1,2 myńǵa jýyq joba tirkelgen.
Aıta keteıik, 2024–2026 jyldarǵa arnalǵan Volonterlikti damytý jáne qoldaý jónindegi jol kartasy aıasynda Ulttyq jáne 20 óńirlik front-keńse júıeli jumys júrgizip jatyr.
