О́SKEMEN. 6 mamyr. О́skemende Uly Otan soǵysynyń ardagerlerine «Uly Jeńiske – 70 jyl» mereıtoılyq monetasy tapsyryldy. Bul týraly egemen.kz tilshisi habarlady.
Ár jas sarbaz úshin soǵysta bolǵan saqa jaýyngerdiń Otanǵa degen súıispenshiligi, beıbitshilikti qadirleý jóninde shertken syry taǵylymdama ispetti. Sondyqtan Ertis ózeniniń sol jaǵalaýyndaǵy Shyǵys óńirinen shyqqan 109 Keńes Odaǵynyń Batyrynyń qurmetine arnalǵan mýzeı-qoryq kesheninde ótken sharaǵa Uly Otan soǵysynyń ardagerleri, qala basshylyǵy, úrmeli aspaptar orkestri jáne 5518, 27943 áskerı bólimderimen birge Qazaqstan Qarýly kúshteriniń qataryna shaqyrýshylar da qatysty.
О́skemen qalasy Qorǵanys isteri basqarmasynyń bastyǵy, polkovnık Ádilet Saqaýov mereıtoılyq monetalardy tapsyrý sátinde búgingi urpaqqa beıbitshilik syılaǵan aǵa býyn ókilderine, soǵys jáne tyl ardagerlerine qurmet kórsetip: «Sizderdiń erlikke toly ómir joldaryńyz Táýelsiz elimizdiń ár jas sarbazy úshin úlken úlgi-ónege», dedi.
Otan qorǵaýshylar kúni qarsańynda shyǵysqazaqstandyqtar Qazaqstan Qarýly Kúshteriniń qataryna alynǵan jerlesterin saltanatty túrde shyǵaryp saldy. Sondaı-aq shara barysynda 27943 áskerı bólim vzvody qoıan-qoltyq urys tásilderin tamasha meńgergendikterin baıqatqan kórinister qoısa, oblystyq fılarmonııa ánshileri patrıottyq ánder shyrqady.
Dýman Anash.
Derek: egemen.kz
Sýret: Alekseı Maznısyn.
