PETROPAVL. 17 aqpan. Soltústik Qazaqstan oblysynda «K-700» traktorynyń júrgizýshisi Mamlıýt qalasynyń shetindegi kópirden ótý kezinde rólge ıe bola almaý saldarynan jaqtaýǵa soǵylyp, aldyńǵy bóligi ótkelge «asylyp qalǵan». Bul týraly oblystyq tótenshe jaǵdaılar jónindegi departamenttiń baspasóz qyzmeti habarlady.
Traktordyń kópir astyndaǵy «Ońtústik-Ýral» temirjolyna qulaý qaýpi týyndap, oqys oqıǵanyń aldyn alý úshin kúshtik qurylymdar jedel jumyldyryldy. Qaýipti aımaq qorshalyp, poıyz qozǵalysy ýaqytsha toqtatyldy. Jiti qımyldyń arqasynda alyp kólik qaýipsiz jerge shyǵaryldy. Japa shekkender joq.
Al traktordy tastaı qashqan júrgizýshiniń qaıda ketkeni belgisiz.
Osy kúni oblys ortalyǵynda taǵy bir oqys oqıǵa oryn aldy. О́rt sóndirýshi-qutqarýshylar 15 metrlik bıiktikke ózdiginen kóterilgenimen, tómen túsýge shamasy jetpegen 32 jastaǵy azamatty avtosatymen túsirýlerine týra keldi.
О́mir Esqalı.
Derek: Soltústik Qazaqstan oblystyq tótenshe jaǵdaılar jónindegi departamenttiń
baspasóz qyzmeti.
Sýret: «QazAqparat».
