Ishki ister mınıstrligi alkogol ónimderin satýǵa baqylaýdy kúsheıtýdi usynyp otyr.
– Qoǵamdyq oryndarda alkogol ishýge qatysty 107 myń quqyqbuzýdyń joly kesildi. 11 myń adamǵa alkogol qoldanýǵa tyıym salyndy. Qoǵamda ishimdikke tózbeý jaǵdaıyn qalyptastyrýǵa jurtshylyq tartylyp jatyr. Búginde 402 eldi meken turǵyndary alkogolden bas tartty, – dedi Erjan Sadenov komıssııa otyrysynda.
Sondaı-aq, maskúnemdik máselesin sheshý keshendi tásili qajettigi aıtyldy.
Ishki ister mınıstrliginiń málimetine súıensek, bıyl polısııa alkogol aınalymy salasynda 7 myńǵa jýyq zań buzýshylyqtyń jolyn kesti. Kásipkerlik sýbektilerine 370 mln teńge kóleminde aıyppul salyndy, 2 252 mekeme lısenzııasynan aıyryldy.
– Alaıda keıbir kásipkerler lısenzııany basqa tulǵalardyń atyna rásimdep nemese basqa mekemeniń atyn jamylyp, táýlik boıy alkogol satýdy jalǵastyryp jatyr, – delingen habarlamada.
Osy oraıda komıssııa otyrysynda birqatar usynys aıtyldy:
- lısenzııa berýge qoıylatyn talaptardy kúsheıtý;
- alkogol ónimderin tek jumys ýaqyty shekteýli arnaıy dúkenderde satýdy qarastyrý.
