Petropavlda jergilikti taýar óndirýshilerge qoldaý kórsetildi

PETROPAVL. 17 aqpan. Petropavlda iri dúken ıeleri qazaqstandyq taýarlardy saýdalaýǵa belsene kiristi. Bul týraly egemen.kz tilshisi habarlady. Úkimettiń keńeıtilgen otyrysynda Memleket basshysy otandyq ónim óndirýshilerdi qoldaý týraly tapsyrmasyna aıryqsha qoldaý kórsetilip, sýpermarket, gıpermarket sórelerine jergilikti azyq-túlik ónimderi kóptep qoıyla bastady. Baǵalary qoljetimdi. Tutynýshylar rıza. Usynylǵan ónimder arasynda aımaqta shyǵarylatyn suıyq maı, jumyrtqa, sút, shujyq, taǵy basqalary bar. «Qazaqstanda shyǵarylǵan» degen atpen arnaıy sóreler jasaqtalyp, makaron men nan-toqash ónimderiniń ondaǵan túrleri qoıylǵan. Bul bastamaǵa ózge de saýda oryndarynyń ıeleri qyzý ún qosyp, taýar baǵasyna 5-10 paıyz ǵana ústeme qosýdy nıet etip otyr. Olardyń aıtýynsha, otandyq kásipkerlermen jumys isteý óte yńǵaıly. Sebebi taýardyń sapasy kúmán týdyrmaıdy. Jergilikti taýar óndirýshilerdi qoldaýdyń taǵy bir tásili retinde iri saýda ortalyqtarynda tamaqtyń dámin tatý sharalary da uıymdastyryla bastady. Tamaq ázirleıtin kásiporyndar dúkenderge kelip, ózderiniń jańa ónimderin tanystyrady. Adamdar onyń dámin tatyp, sol jerde pikir bildirýge múmkindik alady. Osyndaı júıeli júrgizilgen jumystardyń arqasynda tutynýshylardyń otandyq taýar óndirýshilerge degen senimi nyǵaıyp keledi, deıdi sýpermarket júıesiniń kommersııalyq dırektory Elena Matvıenko. О́mir Esqalı. Derek: egemen.kz. Sýret: «Astana» telearnasy.