Foto: Jetisý oblystyq polısııa departamenti
Polıseılerdiń toqtatpaq bolǵan talabyn elemegen mas júrgizýshi sol tustan boı tasalaýǵa tyrysqan. Qashý barysynda jol qozǵalysy erejelerin óreskel buzyp, aınaladaǵy adamdardyń ómiri men densaýlyǵyna qaýip tóndirgen.
«Qylmystyq áreket patrýldik avtokólikke soqtyǵysýmen aıaqtaldy. Buzaqy ustalyp, ýaqytsha ustaý ızolıatoryna qamaldy. Sot úkimimen ol kináli dep tanylyp, 4 jyl merzimge bas bostandyǵynan jáne ómir boıy kólik basqarý quqyǵynan aıyryldy. Keltirilgen materıaldyq shyǵyn sottalýshy tarapynan tolyq ótelgen», dep habarlandy prokýratýradan.
Elorda prokýratýrasy kólik júrgizý quqyǵynan aıyrylǵan adamnyń alkogoldik, esirtkilik nemese ýytqumarlyq mas kúıinde kólik basqarýy, sondaı-aq mundaı adamǵa kólik quralyn basqarýǵa múmkindik berý – QR zańnamasyna sáıkes, ómir boıy kólik júrgizý quqyǵynan aıyra otyryp, 10 jylǵa deıin bas bostandyǵynan aıyrý jazasyna ákeletinin eskertedi.
