foto: ashyq derekkóz
M. Esimbaev pen Janǵabaevqa – 7 jyl, Qazmuhanbetovke 3 jyl bas bostandyqtarynan aıyrý jazasy kesilip, jaza merziminen ótegennen keıin de memlekettik qyzmetke ornalasýǵa tyıym salyndy.
Qylmystyq is materıaldarynda jazylǵandaı, oblystyq veterınarııa basqarmasy basshysynyń orynbasary Qazmuhanbetov qalalyq sanıtarlyq-epıdemıologııalyq baqylaý bólimine 48 orynǵa arnalǵan jekemenshik balabaqshanyń syıymdylyǵyn 75 orynǵa kóbeıtýge ótinish bildiredi. Alaıda balabaqshanyń aýmaǵy sanıtarlyq erejelerdiń talabyna saı bolmaýy sebebinen ruqsat etilmeıdi. Osy kezde iske qalanyń bas sanıtar dárigeri Esimbaev aralasyp, mekemeniń bas mamany Janǵabaevqa qorytyndyny ózgertýge tapsyrma beredi. Jalǵan qujatqa Esimbaev qol qoıyp, úshinshi taraptyń kómegimen 300 myń teńge alady. Sot qorytyndysynda kórsetilgendeı, bas sanıtar qolyna túsken paranyń 90 myń teńgesin Janǵabaeqa beredi. Aqsha qarajatynyń qoldan qolǵa ótýi beınetúsirilimdermen dáleldendi.
Sotta Qazmuhanbetov óziniń kinásin tolyq moıyndasa, Esimbaev ishinara ǵana kelisti, al Janǵabaev óziniń osy iske qatysy joqtyǵyn málimdedi. Soǵan qaramastan balabaqshanyń aýmaǵyna qatysty jalǵan qujat jasaǵan Bas sanıtar men onyń sybaılastarynyń qylmysy kýálerdiń kórsetýimen, zattaı aıǵaqtarmen dáleldendi. Kámelet jasyna jetpegen balalarynyń bolǵany úshin jáne kinálaryn ishinara moıyndaǵan aıyptalýshylar – Esimbaev pen Qazmuhanbetovke sot jazany jeńildetý jaǵyn eskerdi.
Sot úkimi áli kúshine engen joq.
Aqtóbe oblysy
