Foto: Ashyq derekkóz
Jetisý oblystyq polısııa departamentiniń málimetinshe, jol apaty Eskeldi bı jáne Qablısa Jyraý kósheleriniń qıylysynda bolǵan.
«Aldyn ala derekter boıynsha, jedel járdem kóliginiń júrgizýshisi baǵdarshamnyń tyıym salynǵan belgisine qaramastan qıylysqa shyǵyp ketip, Toyota markaly avtokólikpen soqtyǵysqan. Jol-kólik oqıǵasy saldarynan jedel járdem kóliginiń júrgizýshisi men jolaýshysy aýrýhanaǵa jetkizildi. Qazirgi ýaqytta jol qozǵalysy erejesin buzǵan adamǵa qatysty zańǵa sáıkes prosessýaldyq sharalar júrgizilip jatyr», delingen polısııa habarlamasynda.
Atalǵan fakti boıynsha is qozǵalǵan.
Aıta keteıik, 2025 jyldyń alǵashqy jartyjyldyǵynda elimizde 15 698 jol-kólik oqıǵasy tirkelgen.
