Foto: s87.org.ru
Mınıstrlikke qarasty uıymdardyń 30-dan astam bilim berý baǵdarlamasy 5 jyl merzimge sátti akkredıtasııadan ótken. 2025–2026 oqý jylyna mınıstrlikke qarasty joǵary oqý oryndary men kolledjderge memlekettik bilim berý tapsyrysy aıasynda 1647 grant bólingen.
Temirbek Júrgenov atyndaǵy Qazaq ulttyq óner akademııasy daıyndyq baǵyttary boıynsha joǵary oqý oryndarynyń suranys reıtıngisinde 1-oryndy ıelengen. Qazaq ulttyq óner ýnıversıtetine Kúlásh Baıseıitova esimi berildi.
Kúlásh Baıseıitova atyndaǵy Qazaq ulttyq óner ýnıversıtetiniń bas ǵımaratynyń qaıta jóndeý jumystary aıaqtaldy. Temirbek Júrgenov atyndaǵy Qazaq ulttyq óner akademııasy úshin jańa jataqhana qurylysynyń jobasy memlekettik-jekemenshik áriptestik aıasynda iske asyryla bastady. Sonymen qatar, ınvestısııalar esebinen úsh jańa mektep-ınternat salý máselesi qarastyrylyp jatyr. Qazirgi zaman talaptaryna saı jańartylǵan mektep-ınternattardyń jobalyq qujattamalaryn ázirleý úshin tehnıkalyq tapsyrmalar daıyndaldy.
Alǵashqy jartyjyldyqta 80-nen astam sheberlik sabaq, 66 kórme, 8 halyqaralyq festıval ótkizilgen. Sonymen qatar 25-ten astam halyqaralyq yntymaqtastyq týraly jańa kelisim jasaldy.
Joǵary oqý oryndar, kolledjder men mamandandyrylǵan mektepterde bilim alyp jatqan 700-den astam bala respýblıkalyq jáne halyqaralyq baıqaýlardyń laýreaty atandy. Olardyń qatarynda:
- T.Júrgenov atyndaǵy akademııasynan 175 stýdent;
- K. Baıseıitova atyndaǵy Respýblıkalyq mamandandyrylǵan mýzyka mektep-ınternatynan 275 oqýshy;
- K. Baıseıitova atyndaǵy Qazaq ulttyq óner ýnıversıtetinen 122 stýdent;
- P. Chaıkovskıı atyndaǵy Almaty mýzykalyq kolledjinen 15 stýdent bar.
Bıylǵy jartyjyldyqta aýqymdy halyqaralyq jáne respýblıkalyq is-sharalar uıymdastyryldy:
- «Tyrki Duníesi» III Halyqaralyq stýdenttik teatr festıvali,
- «О́RLEÝ» IX Halyqaralyq horeografııalyq oqý oryndary baıqaýy,
- X EURASIA PIANO FORUM,
- 46-Respýblıkalyq oryndaýshylar baıqaýy.
Qurmanǵazy atyndaǵy Qazaq ulttyq konservatorııasy eki halyqaralyq festıval uıymdastyrdy. Atap aıtsaq, «ULY DALA ÚNI» I halyqaralyq vokaldy-hor mýzykasy festıvali jáne «KО́NE ASPAPTAR ShERÝI» ejelgi mýzykalyq aspaptar festıvali. Júrgenov atyndaǵy óner akademııasy 8 eldiń ýnıversıtetterimen birlesken «Playing Memories» halyqaralyq jobasyna qatysyp jatyr.
2025 jyldyń alǵashqy jartyjyldyǵynda mádenıet salasyndaǵy bilim berý uıymdarynda bilim alatyn 1448 ónerpaz respýblıkalyq jáne halyqaralyq baıqaýlar men festıvalderde júldeli oryndarǵa ıe bolǵan:
- K. Baıseıitova atyndaǵy Qazaq ulttyq óner ýnıversıtetinen – 572 stýdent;
- Qurmanǵazy atyndaǵy Qazaq ulttyq konservatorııasynan – 127 stýdent;
- T. Júrgenov atyndaǵy Qazaq ulttyq óner akademııasynan – 148 stýdent bar.
Sonymen qatar 87 jas ónerpaz respýblıkalyq baıqaýlardyń laýreattary atansa, 36 bala halyqaralyq baıqaýlardyń laýreaty ataǵyn jeńip aldy.
Olardyń ishinde:
- III Respýblıkalyq «Dialogue of cultures - 2025» aspaptyq oryndaýshylar baıqaýy;
- «Serper» I Respýblıkalyq baıqaýy;
- «Kantılena» Halyqaralyq aspaptyq oryndaýshylar baıqaýy;
- «Daryndylar galereıasy» V Halyqaralyq shyǵarmashylyq ınternet-baıqaýy;
- «Fanny Mendelssohn International Competition» Halyqaralyq baıqaýy jáne t.b. bar
