Atap aıtqanda, qazaqstandyqtar dollardy 109,4 mlrd teńgege satyp alǵan. Bul ótken aımen salystyrǵanda 32,2%-ǵa (nemese 52,1 mlrd teńgege) az. Mamyrda bul kórsetkish 161,5 mlrd teńge bolǵan.
Eýroǵa degen suranys odan da qatty quldyrady, 12 ese qysqaryp, 13,8 mlrd teńgeden 1,1 mlrd teńgege deıin tómendedi.
Dollarǵa negizgi suranys Almaty men Shymkent qalalarynda tirkelse, rýbl boıynsha keri úrdis baıqaldy: maýsym aıynda aıyrbastaý oryndary halyqtan 40,5 mlrd teńgege rýbl satyp alǵan. Bul sońǵy birneshe jyldaǵy eń joǵary kórsetkish. Onyń ishinde Almaty turǵyndary 35,7 mlrd teńgeniń rýblin ótkizgen.
Ulttyq bank málimetinshe, mundaı dınamıka 2024 jyldyń jeltoqsanynan beri jalǵasyp keledi.
Eske salaıyq, 2025 jylǵy 25 shildede Qazaqstan qor bırjasyndaǵy (KASE) AQSh dollarynyń ortasha baǵamy 545,07 teńgeni qurady.
