Sınoptıkterdiń málimetinshe, elimizdiń ústinen ótetin sıklon áserinen kóptegen óńirde bultty, biraq aragidik ashyq kún raıy kútiledi. Kóptegen aımaqta naızaǵaıly jańbyr jaýyp, respýblıkanyń soltústik-batysynda, soltústiginde jáne ortalyǵynda nóser jaýyn, burshaq jáne daýyl bolýy yqtımal.
«Respýblıkanyń barlyq aýmaǵynda jel kúsheıedi, al ońtústik óńirlerde – shańdy daýyl turýy múmkin», delingen juma kúni jarııalanǵan aýa raıy boljamynda.
Temperatýralyq fon aıtarlyqtaı ózgermeıdi. Alaıda shyǵys jáne ońtústik-shyǵys óńirlerde aptap ystyq saqtalady – keı jerlerde +42 gradýsqa deıin jetýi yqtımal.
