ASTANA. 17 aqpan. «Barys» Habarovskide jergilikti «Amýrmen» kúsh synasyp, 3:2 esebimen jeńiske jetti. Osylaısha «Amýrmen» eki kún qatarynan aıqasyp, qos jeńiske qol jetkizgen astanalyqtar Qurlyqtyq hokkeı lıgasynyń pleı-off kezeńine joldama aldy. Bul týraly egemen.kz habarlady.
Qos oıynnan turǵan serııaly tartystyń ekinshi bóliminde de qazaqstandyq hokkeıshilerdiń mysy basym boldy. Alǵashqy kezeńde aıdyn ıeleri tamasha múmkindikterdi múlt jiberdi. Aldymen, oıynnyń 5-mınýtynda «Barys» sapynan Oskars Bartýlıs kishi aıyppen jazalansa, 10-mınýtta Nıkolaı Antropov 10 mınýtqa aıdynnan qýyldy. Ol az deseńiz, arada taǵy 5 mınýt ýaqyt ótken kezde Oleg Kvasha da aldyńǵy áriptesteriniń kebin kıip, eki mınýttyq jazasyn óteýge attandy. Bir kezeńniń ózinde osynshama múmkindikti paıdalana almaǵan habarovskilikter kerisinshe bes oıynshymen júrip, óz qaqpalaryna shaıba jiberip aldy. Bir oıynshyǵa kem bolǵanyna qaramastan shabýylǵa shyqqan astanalyqtar 17-mınýtta Konstantın Romanovtyń kómegimen esep ashty.
Ekinshi kezeń bastalysymen qonaqtar qarsylastarynyń qaqpasyna lap qoıdy. Nátıjesinde, 24-mınýtta Oleg Kvasha qanjyǵasyn maılap, esepti eseledi. Al kelesi úziliske 5 mınýt ýaqyt qalǵan kezde Nıkolaı Antropov «Amýrdyń» qaqpasyna úshinshi shaıba soǵyp, esepti «Barystyń» paıdasyna 3:0-ge jetkizdi.
Sheshýshi kezeńde Iýkka Raýtakorpıden tálim alatyn «Amýr» hokkeıshileri jınaqylyq tanytyp, esep aıyrmasyn bir shaıbaǵa deıin qysqartty. 51-mınýtta Vıacheslav Lıtovchenko komandasynyń oıyndaǵy alǵashqy shaıbasyn soqsa, kezdesýdiń aıaqtalýyna 5 sekýnd qalǵan kezde Mıhel Mıklık mergendigimen kózge tústi. Alaıda, bul «Amýrdy» oıyndaǵy jeńilisten qutqaryp qala almady.
Osy jeńisinen keıin 84 upaımen «Barys» QHL-dyń Shyǵys konferensııasynda 5-orynǵa kóterildi. Turaqty chempıonattyń sońyna deıin áli úsh oıyn ótkizetin elordalyq komanda qazirdiń ózinde saıystyń pleı-off kezeńinde oınaýǵa múmkindik alyp tur. Andreı Nazarov jattyqtyratyn komanda kelesi oıyndy 20 aqpan kúni óz aıdynynda Novokýzneskiniń «Metallýrgine» qarsy ótkizedi.
Elaman Qońyr.
Derek: egemen.kz.
Sýret: hcamur.ru.
ASTANA. 17 aqpan. «Barys» Habarovskide jergilikti «Amýrmen» kúsh synasyp, 3:2 esebimen jeńiske jetti. Osylaısha «Amýrmen» eki kún qatarynan aıqasyp, qos jeńiske qol jetkizgen astanalyqtar Qurlyqtyq hokkeı lıgasynyń pleı-off kezeńine joldama aldy. Bul týraly egemen.kz habarlady.
Qos oıynnan turǵan serııaly tartystyń ekinshi bóliminde de qazaqstandyq hokkeıshilerdiń mysy basym boldy. Alǵashqy kezeńde aıdyn ıeleri tamasha múmkindikterdi múlt jiberdi. Aldymen, oıynnyń 5-mınýtynda «Barys» sapynan Oskars Bartýlıs kishi aıyppen jazalansa, 10-mınýtta Nıkolaı Antropov 10 mınýtqa aıdynnan qýyldy. Ol az deseńiz, arada taǵy 5 mınýt ýaqyt ótken kezde Oleg Kvasha da aldyńǵy áriptesteriniń kebin kıip, eki mınýttyq jazasyn óteýge attandy. Bir kezeńniń ózinde osynshama múmkindikti paıdalana almaǵan habarovskilikter kerisinshe bes oıynshymen júrip, óz qaqpalaryna shaıba jiberip aldy. Bir oıynshyǵa kem bolǵanyna qaramastan shabýylǵa shyqqan astanalyqtar 17-mınýtta Konstantın Romanovtyń kómegimen esep ashty.
Ekinshi kezeń bastalysymen qonaqtar qarsylastarynyń qaqpasyna lap qoıdy. Nátıjesinde, 24-mınýtta Oleg Kvasha qanjyǵasyn maılap, esepti eseledi. Al kelesi úziliske 5 mınýt ýaqyt qalǵan kezde Nıkolaı Antropov «Amýrdyń» qaqpasyna úshinshi shaıba soǵyp, esepti «Barystyń» paıdasyna 3:0-ge jetkizdi.
Sheshýshi kezeńde Iýkka Raýtakorpıden tálim alatyn «Amýr» hokkeıshileri jınaqylyq tanytyp, esep aıyrmasyn bir shaıbaǵa deıin qysqartty. 51-mınýtta Vıacheslav Lıtovchenko komandasynyń oıyndaǵy alǵashqy shaıbasyn soqsa, kezdesýdiń aıaqtalýyna 5 sekýnd qalǵan kezde Mıhel Mıklık mergendigimen kózge tústi. Alaıda, bul «Amýrdy» oıyndaǵy jeńilisten qutqaryp qala almady.
Osy jeńisinen keıin 84 upaımen «Barys» QHL-dyń Shyǵys konferensııasynda 5-orynǵa kóterildi. Turaqty chempıonattyń sońyna deıin áli úsh oıyn ótkizetin elordalyq komanda qazirdiń ózinde saıystyń pleı-off kezeńinde oınaýǵa múmkindik alyp tur. Andreı Nazarov jattyqtyratyn komanda kelesi oıyndy 20 aqpan kúni óz aıdynynda Novokýzneskiniń «Metallýrgine» qarsy ótkizedi.
Elaman Qońyr.
Derek: egemen.kz.
Sýret: hcamur.ru.
