Memleket basshysy bul qarajattyń izim-ǵaıym joǵalýyn FireAid atty amerıkalyq bastamaǵa baılanystyryp, ony «Demokrattar shabyttandyrǵan alaıaqtyq shema» dep atady. Bul týraly ol óziniń Truth Social paraqshasynda jazdy.
«FireAid – naǵyz apat. 100 mıllıon dollar joq bolyp ketken sııaqty. Bul – taǵy bir alaıaqtyq áreket», – dep jazdy Tramp.
Eske salaıyq, 2025 jylǵy qańtarda Los-Andjeles mańynda bolǵan orman órtteri saldarynan 30-dan astam adam qaza taýyp, shamamen 18 myń nysan joıylǵan edi. Sol kezde birqatar qoǵamdyq uıymdar zardap shekkenderge kómek kórsetý úshin qarajat jınaýdy bastaǵan.
30 qańtar kúni ótken qaıyrymdylyq konserti barysynda tanymal ártisterdiń qatysýymen 100 mln dollar jınalǵan. Alaıda bul qarajat tikeleı zardap shekkenderge emes, birneshe úkimettik emes uıym arasynda bólinip ketken.
