Foto: depositphotos.com
Space portalynyń málimetinshe, «ǵasyr tutylýy» 2027 jylǵy 2 tamyzda oryn alady. Alaıda astronomııalyq kózildirikter men kún súzgilerin daıyndaýǵa áli erte, qubylys osy jyly emes, tek eki jyldan keıin bolady.
Sol kúni Aı Kúnniń betin 6 mınýt 22 sekýndqa tolyq jaýyp, HHI ǵasyrdaǵy eń uzaq tutylý kezeńin qalyptastyrady. Bul kórsetkish 1991 jyldan bergi rekordtyq ýaqyt bolyp esepteledi, al kelesi osyndaı aýqymdy tutylý tek 2114 jyldyń 16 shildesinde bolady dep kútiledi.
Aıta keteıik, 2024 jylǵy 8 sáýirde Meksıka, AQSh pen Kanadada baıqalǵan tolyq kún tutylýy 4 mınýt 28 sekýndqa ǵana sozylǵan edi, bul da edáýir uzaq dep baǵalanǵan bolatyn.
2027 jylǵy tutylýdyń tolyq fazasy Soltústik Afrıka men Taıaý Shyǵystyń 11 elin qamtıdy. Atap aıtqanda, qubylysty Ispanııa, Gıbraltar, Marokko, Aljır, Týnıs, Lıvııa, Egıpet, Sýdan, Saýd Arabııasy, Iemen jáne Somalı turǵyndary aıqyn kóre alady.
Sondaı-aq jartylaı kún tutylýy Afrıka, Eýropa jáne Ońtústik Azııanyń basym bóliginde baıqalady. Al Soltústik Amerıkada bul kúni Kún belsendiligi qalypty bolady.
Space jarııalaǵan kartaǵa sáıkes, Qazaqstannyń birqatar óńirleri de bul ǵajaıyptyń kóleńkeli aımaǵyna enip, belgili bir ýaqytta qarańǵylyqqa shomýy múmkin.
