Batys Eýropa-Batys Qytaı kólik dálizinde jumys jalǵasýda

ShYMKENT. 19 naýryz. Batys Eýropa-Batys Qytaı kólik dáliziniń Ońtústik Qazaqstan oblysyna tıelisi eń iri tarmaǵynda qurylys jumystary jalǵasýda. Bul týraly egemen.kz tilshisi habarlady. Qazyǵurt ótkelinde «Akkord» fırmasynyń jumysshylary beton tóseý úshin arnaıy tehnıkalardy daıyndap, qosymsha jumystardy atqarýda. Aýa raıynyń qolaıly bolýyna baılanysty jyldaǵydan bir aı buryn iske kirisken qurylysshylar osy ýaqytqa deıin 13 shaqyrymǵa beton tósep úlgerdi. Jyl aıaǵyna deıin taǵy 24 shaqyrym joldy jóndep tapsyrýy tıis. Qazir kompanııada 200-ge jýyq adam jumys isteýde. Aıta keteıik, Shymkentten О́zbekstan shekarasyna deıingi aralyq 90 shaqyrymnan asady. Atalǵan kompanııa ózine tıesili qurylys jumystaryn aıaqtap bolǵan soń kelesi tarmaqty qytaılyq kompanııa jalǵastyrady. Úsh tarmaqtan turatyn jol 2016 jyly tolyq bitip, paıdalanýǵa beriledi dep kútilýde. Baqtııar Taıjan. Derek: egemen.kz. Sýret: centralasiaonline.com.