О́SKEMEN. 6 mamyr. О́skemen qalasyndaǵy Nazarbaev zııatkerlik mektebinde Qazaqstan halqy Assambleıasynyń 20 jyldyǵy men Búkilálemdik bı kúnine oraı horeografııalyq festıval ótti. Bul týraly egemen.kz tilshisi habarlady.
«Bir úıdiń balasyndaı» ataýymen ótken festıval Qazaqstandaǵy túrli ult ókilderiniń beıbit ómirin beıneledi. Festıvalǵa oblys ortalyǵyndaǵy zııatkerlik mektep oqýshylarymen birge halyqaralyq «Nur Orda» mektebi, № 44 mektep-lıseıi, №24 mektep-gımnazııasy jáne Menovnoı orta mektebiniń jas ónerpazdary qatysty. Olar qazaq, orys, koreı, ózbek, túrik jáne parsy halyqtarynyń ulttyq bılerin bıledi.
Jıynǵa qatysqan Qazaqstan halqy Assambleıasy oblystyq fılıalynyń músheleri merekeni uıymdastyrǵan mektep ujymyna rızashylyqtaryn jetkizdi. Sondaı-aq, Qazaqstan halqy Assambleıasynyń múshesi, elimizdegi tuńǵysh Dostyq úıin uıymdastyrýshylardyń biri Leo Shık qazaqstandyq ultaralyq kelisim modeliniń tatýlyq pen turaqtylyqty saqtaýdaǵy úlesi týraly áńgimeledi.
Dýman Anash.
Derek, sýret: egemen.kz
