Foto: instagram.com/fcdynamo
«Taraz» fýtbol klýbynyń túlegi 2017 jyly Qazaqstandaǵy úzdik jas fýtbolshy atanǵan bolatyn.
2017 jyly 25 qarashada elordalyq «Astana» komandasyna aýysyp, «Astana» sapynda Ulttyq chempıonat pen Eýrokýbokterdegi birneshe mańyzdy oıyndarda alańǵa shyqqan. Jyl sońynda Qazaqstandaǵy «jańa esim» nomınasııasyna ıe bolǵan. 2018 jyly Astana klýbymen el chempıony ataǵyn alǵan.
2019 jyly 12 qańtarda Reseıdiń «Rostov» klýbyna aýysyp, 31 ret alańǵa shyǵyp 4 gol soqqan bolatyn.
2020 jyly 25 tamyzda Máskeýdiń SSKA klýbymen 5 jyldyq kelisim shart jasasyp, 10-týr matchynda SSKA úshin óziniń alǵashqy golyn Ekaterınbýrgte «Oral» qaqpasyna soqty. 2023 jyly Reseı kýbogi ıegeri atandy.
2023 jyly 21 tamyzda «Beshıktash» klýbyna aýysty. Úsh kúnnen soń ÝEFA konferensııalary lıgasynda «Dınamo Kıev» klýbyna qarsy oıynda jańa komandasyndaǵy tuńǵysh oıynyn ótkizdi. Ekinshi taımda alańǵa shyqty da, 90+5 mınýtta gol soǵyp, jańa komandasy quramynda jeńis golyn soqqan.
Reseılik komanda Bahtıer Zaınýtdınov úshin «Beshıktashqa» 2,5 mln eýro tólegen. Endi jartylaı qorǵaýshy otandasymyz «Dınamo» namysyn 2029 jylǵa deıin qorǵaıdy.
