«Bul – óte úlken másele. Sebebi kóptegen adam ChatGPT-di óz oılaryn ortaǵa salatyn senimdi keńesshi retinde kóre bastady. Olar jasandy ıntellektke óte jeke, tipti qupııa aqparattaryn aıtyp jatady. Alaıda bul áńgimeler dárigermen, advokatpen nemese din qyzmetkerimen sóıleskendegideı qupııa dep sanalmaıdy», dedi Sem Altman.
Ol bul jaǵdaıdyń quqyqtyq turǵyda rettelmegenin aıtyp, memleketter men tehnologııalyq kompanııalardy JI quraldaryn paıdalanýshylardyń quqyǵyn qorǵaýǵa shaqyrdy.
«Bizge JI-men jasalǵan jazbasha nemese aýyzsha baılanystardyń quqyqtyq mártebesin naqtylaıtyn zań kerek. Qazir sıfrlyq dáýirde jeke ómirge syrttan baqylaý tym jıilep barady. Bul úrdis qoǵam úshin qaýipti baǵytqa aınalýy múmkin», dep eskertti Altman.
Mamandardyń aıtýynsha, qazirgi tańda JI júıeleri arqyly jınalǵan derekterdiń qaıda, qalaı saqtalatyny jáne kimderge qoljetimdi bolatyny naqty belgilenbegen. Sondyqtan da paıdalanýshylarǵa jasandy ıntellektpen qupııa aqparat bólispeýge keńes beredi.
