Foto: gov.kz
Ortalyq Abaı Qunanbaıulynyń shyǵarmashylyǵyn halyqaralyq deńgeıde nasıhattaýǵa den qoıady.
Mádenı mańyzy zor shara elimizdiń Syrtqy ister mınıstrligi men Mádenıet jáne aqparat mınıstrliginiń qoldaýymen uıymdastyrylǵan.
Abaı ortalyǵynyń ashylý saltanatyna Chernogorııanyń Qazaqstan, Avstrııa, Germanııa, Slovakııa, Ispanııa, Italııa, Vengrııa, Bolgarııa, Túrkııa jáne Gresııa Elshilikteriniń dıplomatııalyq ókilderi, zııaly qaýym ókilderi, qoǵam belsendileri qatysqan.
Shara barysynda ortalyqqa júzden asa qujat tabys etilgen. Olardyń ishinde qazaq, orys, aǵylshyn, qytaı t.b kóptegen tilderge aýdarylǵan Abaıdyń shyǵarmalary, qarasózderi, abaıtaný kitaptary, ómir joly men shyǵarmashylyǵyna qatysty qundy derekter, sonymen qatar qazaq jazýshylary Ábish Kekilbaev, Kemel Toqaev, Talasbek Ásemqulov syndy ult zııalylarynyń kitaptary bar.
Mádenıet jáne aqparat mınıstrliginiń málimetinshe, bul qujattar QR Ulttyq akademııalyq kitaphanasy men Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵynan alynǵan.
